- text
મોરબીઃ મોરબીના ગઝલકાર અને સર્વોદય એજ્યુકેશન સોસાયટી સંચાલિત યુ.એન.મહેતા આર્ટ્સ કોલેજ, મોરબીના અધ્યાપક ડો. રામ વારોતરિયા રચિત ગઝલ સંગ્રહ પહેલો વરસાદનું 30 જુલાઈ ને શનિવારના રોજ વિમોચન કરવામાં આવશે..
ડો. રામ વારોતરિયા રચિત ગઝલ સંગ્રહ પહેલો વરસાદના વિમોચન સમારોહનું 30 જુલાઈ ને શનિવારના રોજ યુ.એન. મહેતા આર્ટ્સ કોલેજના સેમિનાર હોલ ખાતે સવારે 9-30 થી 11-30 સુધી આયોજન કરવામાં આવ્યું છે. આ વિમોચન સમારોહના અધ્યક્ષ તરીકે સર્વોદય એજ્યુકેશન સોસાયટીના પ્રમુખ પ્રદીપભાઈ વોરા ઉપસ્થિત રહેશે. તથા વિનોચન કર્તા તરીકે બાળ રોગ નિષ્ણાત અને જાણીતા સાહિત્યકાર ડો. સતીષભાઈ પટેલ હાજરી આપશે. આ ઉપરાંત ઉપસ્થિત મહાનુભાવોમાં રામધન આશ્રમ મોરબીના મહંતા ભાવેશ્વરીબેન, સર્વોદય એજ્યુકેશન સોસાયટીના મંત્રી રજનીભાઈ મહેતા, સર્વોદય એજ્યુકેશન સોસાયટીના ટ્રસ્ટી દેવાંગભાઈ દોશી હાજર રહેશે. જ્યારે કવિ દીપકભાઈ ત્રિવેદી, કવયિત્રી હર્ષિદાબેન ત્રિવેદી અને કવિ બિપીન મધુર વિશેષ ઉપસ્થિત રહેશે. વિમોચન સમારોહ બાદ ઉપસ્થિત કવિગણ દ્વારા કાવ્યપઠનનું પણ આયોજન કરાયું છે. ત્યારે આ કાર્યક્રમમાં હાજરી આપવા યુ.એન.મહેતા આર્ટ્સ કોલેજ મોરબીના પ્રિન્સિપાલ પ્રા. કે.આર.દંગીએ આમંત્રણ પાઠવ્યું છે.
- text
- text
