- text
બ્રિજેશ મેરજા વિવિધ કાર્યક્રમોમાં આપશે હાજરી
મોરબીઃ રાજ્યકક્ષાના મંત્રી અને મોરબી વિધાનસભાના ધારાસભ્ય બ્રિજેશ મેરજા આગામી તારીખ 31 જુલાઈ અને 1લી ઓગસ્ટ એમ બે દિવસ મોરબી જિલ્લાના પ્રવાસે આવી રહ્યા છે. જેમાં તેઓ વિવિધ કાર્યક્રમોમાં હાજરી આપશે.
બ્રિજેશ મેરજા 31 જુલાઈ ને રવિવારના રોજ 8-30 કલાકે મોરબી શીશુમંદિર ખાતે સ્થાનિક કાર્યક્રમમાં હાજરી આપશે ત્યારબાદ 10 વાગ્યે વાંકાનેર ખાતે ગાયત્રી વિદ્યાપીઠ ખાતે દર્શન કરશે તથા અશ્વિનભાઈ રાવલ સાથે મન કી બાત કાર્યક્રમ કરશે. ત્યારબાદ બપોરે 4 કલાકે રવાપર-ધનુડા રોડ પર આવેલા દ્વારકાધીશ ફાર્મ ખાતે મોરબીના ઉમિયા સર્વિસ ક્લાસ ફોરમ દ્વારા આયોજિત વાર્ષિકોત્સવમાં ઉપસ્થિત રહેશે. સાંજે 7 કલાકે રાજકોટની સયાજી હોટલ ખાતે દિવ્ય ભાસ્કર દ્વારા આયોજિત હેલ્થ એવોર્ડ કાર્યક્રમમાં હાજરી આપશે.
- text
બીજા દિવસે તારીખ 1 ઓગસ્ટ ને સોમવારના રોજ સવારે 10 વાગ્યે સરદાર બાગની સામે મોરબી ખાતે ગુજરાત લાઈવલીહુડ પ્રમોશન કંપની દ્વારા આયોજિત રાખી મેળાના લોકાર્પણ કાર્યક્રમમાં હાજરી આપશે. ત્યારબાદ સવારે 10-30 કલાકે જિલ્લા પંચાયત મોરબી ખાતે મોરબી જિલ્લા પંચાયત દ્વારા ટ્રેક્ટર, ટ્રોલી અને જેટીંગ મશીન વિતરણ કાર્યક્રમમાં ઉપસ્થિત રહેશે. ત્યારબાદ બપોરે 12 કલાકે જુના ઘાંટીલા ખાતે સ્થાનિક કાર્યક્રમમાં હાજરી આપશે.
- text
