- text
મોરબી: આગામી તારીખ 26 મી એપ્રિલના રોજ દેશ-વિદેશમાં વસતા વૈષ્ણવો મહાપ્રભુજી વલ્લભાચાર્યજીનો 545મો પ્રાગટ્ય મહોત્સવ ઉજવશે. ત્યારે મયૂરપુરી મોરબીના બેઠકજીમાં પણ હર્ષોલ્લાસ સાથે આ પ્રાગટ્ય મહોત્સવ ઉજવવાનું આયોજન કરાયું છે.
- text
ચૈત્ર વદ અગિયારસને મંગળવારના રોજ ૨૬ એપ્રિલે મહાપ્રભુજીના ચોર્યાસી બેઠકજી પૈકી મયૂરપુરી મોરબીમાં આવેલ બેઠકજીમાં મહાપ્રભુજી વલ્લભાચાર્યજીનો 545મો પ્રાગટ્ય મહોત્સવ ઉજવવામાં આવશે. આ નિમિત્તે મોરબી મહાપ્રભુજીની બેઠકમાં સવારે 7 વાગ્યાથી બપોરે 1 વાગ્યા ઝારી ચરણ સ્પર્શ યોજાશે. સવારે 7 વાગ્યે જગ્યાના દર્શન થશે. 7.30 કલાકે મંગળા દર્શન, 8 કલાકે શ્રીંગાર દર્શન, બપોરે 1 કલાકે રાજભોગ દર્શન, બપોરે 3 કલાકે તિલક દર્શન તથા નંદ મહોત્સવ ઉજવાશે. આ મહોત્સવમાં સંપન્ન થવા માટે બેઠકજીના ટ્રસ્ટી મોરબી વૈષ્ણવ સમાજ અને મુખ્યાજી અતુલભાઇ ભટ્ટ વૈષ્ણવ સમાજને અનુરોધ કરેલ છે.
- text
