- text
મોરબી: બનાસકાંઠાના વડગામના કોંગ્રેસના ધારાસભ્ય જીગ્નેશ મેવાણીની આસામ પોલીસ દ્વારા ધરપકડ કરવામાં આવી છે. ત્યારે જીગ્નેશ મેવાણીની ધરપકડના વિરોધમાં સોમવારે મોરબી જિલ્લા કોંગ્રેસ સમિતિ દ્વારા ધરણાં અને આવેદનપત્ર આપવાનો કાર્યક્રમ રાખવામાં આવ્યો છે.
- text
ગુજરાત પ્રદેશ કોંગ્રેસ સમિતિના પ્રમુખ જગદીશ ઠાકોરની સુચના અન્વયે આવતીકાલે તારીખ 25 એપ્રિલ ને સોમવારના રોજ સવારે 10 કલાકે મોરબીના સરદાર બાગ સામે સુભાષચંદ્ર બોઝની પ્રતિમા પાસે મોરબી જિલ્લા કોંગ્રેસ સમિતિ દ્વારા જીગ્નેશ મેવાણી ધરપકડના વિરોધમાં ધરણાં અને આવેદનપત્ર આપવાનો કાર્યક્રમ રાખવામાં આવ્યો છે. જેમાં કોંગ્રેસના હોદ્દેદારો અને કાર્યકરોએ જોડાશે.
- text
