- text
વાંકાનેર તાલુકાના વિરપર ગામની સીમમાં દરોડો : આરોપી ફરાર
વાંકાનેર : વાંકાનેર તાલુકાના વિરપર ગામે પડતર ખાણમાં દેશી દારૂની ભઠ્ઠી ચાલુ હોવાની બાતમીને આધારે પોલીસે દરોડો પાડી દારૂ ગાળવાના સાધનો સહિતનો રૂ.3200નો મુદ્દામાલ પકડી પાડ્યો હતો. જો કે દારૂનો ધંધાર્થી રેડ દરમિયાન મુઠ્ઠીઓ વાળી નાસી છૂટ્યો હતો.
- text
બનાવ અંગે જાણવા મળતી વિગતો મુજબ વાંકાનેર તાલુકાના વિરપર ગામે પડતર ખાણમાં દેશી દારૂની ભઠ્ઠી ચાલુ હોવાની બાતમીને આધારે પોલીસે દરોડો પાડી ગેસનો ચૂલો, બાટલો, ઠંડો- ગરમ આથો, દેશી દારૂ સહિત 3200 રૂપિયાનો મુદ્દામાલ કબ્જે કર્યો હતો. જો કે દરોડા સમયે આરોપી સાગર રમેશભાઇ ડાંગરેચા, રે.વીરપર તા.વાંકાનેર વાળો મળી આવ્યો ન હતો. આ મામલે પોલીસે આરોપી વિરુદ્ધ પ્રોહીબિશન એકટ અન્વયે ગુન્હો નોંધી કાર્યવાહી શરૂ કરી છે.
- text
