- text
વર્લ્ડ એજ્યુકેશન ફોરમ (દુબઇ) આયોજિત કોન્ફરન્સના મુખ્ય સ્પીકર તરીકે આમંત્રણ મળ્યું : નાની ઉંમરે મોટી સિદ્ધિ
મોરબી : મોરબી નવયુગ બીબીએ કોલેજના હેડ ઓફ ડિપાર્ટમેન્ટ અને નાની ઉંમરે ગુજરાતનાં જાણીતા શિક્ષણવિદ તરીકે નામના મેળવનાર ડો. હિરેન મહેતાને વર્લ્ડ એજ્યુકેશન ફોરમ (દુબઇ) આયોજિત કોન્ફરન્સમાં મુખ્ય સ્પીકર તરીકે આમંત્રિત કરાયા છે.
મોરબી નવયુગ બીબીએ કોલેજના હેડ ઓફ ડિપાર્ટમેન્ટ ડો. હિરેન મહેતા આગામી એપ્રિલ તા.14 અને 15ના રોજ દુબઇ ખાતે યોજાનાર વર્લ્ડ એજયુકેશન
ફોરમમાં કોન્ફ્રન્સમાં “સ્કીલ અને ટ્રેઇનીંગ” શિક્ષણનું શું મહત્વ છે તે વિષય ઉપર વક્તવ્ય આપશે. નોંધનીય છે કે, ડો. હિરેન મહેતા ૧૯ વર્ષની ઉંમરથી ગોંડલ આઇ.ટી.આઇ. અને ગુજરાત સરકારનાં રોજગાર કચેરીના તાલીમ કેન્દ્રથી શરૂઆત કરી હતી અને ભારતભરમાં 1000થી વધારે વિદ્યાર્થીઓને ટ્રેઇનીંગ પ્રોગ્રામ આપેલ છે.
ડો. હિરેન મહેતા ૨૨ વર્ષની ઉમરે નેશનલ ટ્રેનરની ડિગ્રી મેળવી ભારતભરમાં રેકોર્ડ સાઘ્યો હતો. તેમજ બી.બી.એ.,એમ.બી.એ., ડિપ્લોમાં ઇન એન્ટરપ્રેન્યોરશીપ ઇ.ડી.આઇ.-અમદાવાદ તેમજ ગુજરાત ટેકનોલોજીકલ યુનિવર્સિટી માંથી પી.એચ.ડી (ફાયનાન્સ) ડીગ્રી મેળવી હતી.તાજેતરમાં અમેરીકાની કેલીફોનીયા સ્ટેટ યુનિવર્સિટીમાં સ્ટાર્ટ-અપ માટેની વિદ્યાર્થી ટ્રેનીંગ આપી હતી. ત્યારબાદ અમેરીકન કાઉન્સીલ ફોર રિસર્ચ એન્ડ ડેવલપમેન્ટ મેમ્બર તરીકે નિમણુંક પામ્યા છે.
- text
ડો. હિરેન મહેતા છેલ્લા ૧૦ વર્ષથી શિક્ષણ તેમજ ટ્રેઇનીંગ ક્ષેત્રે એક આગવું નામ ધરાવે છે. ગુજરાતની નામાંકિત શાળા, કોલેજ અને કોપરિટ ઉદ્યોગ જગત માટે તાલીમ અને સ્કીલ ઉપર કામ કરે છે.ડો. હિરેન મહેતા એ મુંબઇ, હેદ્રાબાદ, ચેન્નઇ, અમદાવાદ, ગાંધીનગર, મદુરાઇ, બેંગ્લોર, જયપુર, દિલ્લી, આગ્રા તેમજ અનેક શહેરોમાં વિદ્યાર્થીઓ વ્યાખ્યાન તેમજ રિસર્ચમાટે માર્ગદર્શન આપેલ છે.
- text
