- text
ગામના તળાવ નજીક વાડામાંથી માથાના ભાગે ઇજાઓ સાથે લાશ મળી આવતા પોલીસ દોડી : તપાસનો ધમધમાટ
માળીયા : માળીયા તાલુકાના વિરવિદરકા ગામે તળાવના કાંઠે યુવાનની ભેદી સંજોગોમાં લાશ મળી આવતા હત્યાની આશંકા સાથે મૃતદેહને પોસ્ટમોર્ટમ માટે ખસેડી પોલીસ દ્વારા તપાસનો ધમધમાટ શરૂ કરાયો છે.
બનાવ અંગે જાણવા મળતી વિગતો મુજબ માળીયા તાલુકાના વિરવિદરકા ગામે અંગારના વાડા તરીકે ઓળખાતી જગ્યામાં લાશ પડી હોવાની જાણ ગ્રામજનોને થતા પોલીસને જાણ કરવામાં આવી હતી. પ્રાથમિક વિગતો મુજબ આ મૃતદેહ રોહિતભાઈ જીવાભાઈ નામની વ્યક્તિનો હોવાનું સૂત્રો જણાવી રહ્યા છે.
- text
વધુમાં મૃતક રોહિતભાઈ જીવાભાઈને માથાના ભાગે બોથડ પદાર્થના ઘા મારેલા હોવા ઉપરાંત પથ્થર મરાયા હોવાનું જણાતા હાલમાં પોલીસ દ્વારા મૃતદેહને પોસ્ટમોર્ટમ માટે ખસેડી ગુન્હો નોંધી તપાસનો ધમધમાટ શરૂ કરવામાં આવ્યો છે.
- text
