- text
મોરબીઃ નશાબંધી અને આબકારી ખાતું- રાજકોટ આયોજિત નશાબંધી પ્રચાર કાર્યક્રમ અંતર્ગત વ્યસનમુક્તિ એ જ જીવનની સાચી શક્તિ વિષય પર વક્તૃત્વ સ્પર્ધાની મોટી બરાર મોડેલ સ્કૂલ ખાતે ઉત્સાહભેર ઉજવણી કરવામાં આવી હતી.
આજે 17 ડિસેમ્બરના રોજ નશાબંધી અને આબકારી ખાતું- રાજકોટ આયોજિત નશાબંધી પ્રચાર કાર્યક્રમ અંતર્ગત વ્યસનમુક્તિ એ જ સાચી જીવનની શક્તિ વિષય પર વક્તૃત્વ સ્પર્ધાની મોડેલ સ્કૂલ- મોટી બરાર ખાતે ઉજવણી કરવામાં આવી હતી. જેમાં નશાબંધીથી નવજીવન, નશો એ જ નાશનું મૂળ છે અને વ્યસનમુક્તિ એ જ જીવનની સાચી શક્તિ વિષય પર વક્તૃત્વ સ્પર્ધાનું આયોજન કરવામાં આવ્યું હતું .જેમાં મોડેલ સ્કૂલ- મોટીબરારના વિદ્યાર્થીઓએ વકતૃત્વ સ્પર્ધામાં ઉત્સાહભેર ભાગ લીધો હતો.
વકતૃત્વ સ્પર્ધામાં પ્રથમ નંબરે વંશિકા ખડોલા, દ્વિતીય નંબરે હિરાલી પરમાર અને ત્રીજા નંબરે આરાધના ચાવડા વિજેતા થયેલ છે. તમામ સ્પર્ધકોને નંબર પ્રાપ્ત કરવા બદલ અને સ્પર્ધામાં ભાગ લેવા બદલ ઇનામ આપી પ્રોત્સાહિત કરવામાં આવ્યા હતા. અને જીવનમાં ખૂબ પ્રગતિ કરે એવી તમામ ઉપસ્થિત મહેમાનોએ શુભેચ્છાઓ પાઠવી હતી.
આ કાર્યક્રમની તમામ વ્યવસ્થા મોટી બરાર મોડેલ સ્કૂલના આચાર્ય ભરતભાઈ વિડજા સાહેબ અને તેમની શિક્ષકોની ટીમ દ્વારા કરવામાં આવી હતી અને આ કાર્યક્રમને સફળ બનાવવા માટે વિડજા સાહેબ અને મોડેલ સ્કૂલના તમામ શિક્ષકોએ ખૂબ સહયોગ અને સહકાર આપ્યો હતો.
આ કાર્યક્રમને શુભેચ્છા આપવા માટે અને સફળ બનાવવા માટે નશાબંધી અને આબકારી ખાતું- રાજકોટના નશાબંધી નિયોજક એસ.એન.ચાનપુરા સાહેબ, નશાબંધી અને આબકારી ખાતું- રાજકોટના PSI વિજયભાઈ ચૌહાણ સાહેબ અને નિર્ણાયકો ઉપસ્થિત રહ્યા હતા.
- text
આ કાર્યક્રમને અંતે વિદ્યાર્થીઓને માનનીય એસ.એન.ચાનપુરા સાહેબશ્રી દ્વારા વ્યસનમુક્તિ અંગે જાગૃત કર્યા અને દીકરી વ્હાલનો દરિયો એ વિષય પર ખૂબ સુંદર વક્તવ્ય આપવામાં આવેલ હતું અને તમામ વિદ્યાર્થીઓને ભવિષ્યમાં પણ વ્યસન ન કરવાની પ્રતિજ્ઞા પણ લેવડાવવામાં આવી હતી. અંતે આભારવિધિ વિજયભાઈ ચૌહાણ દ્વારા કરવામાં આવી હતી. કાર્યક્રમનું સંચાલન શાળાના શિક્ષિકા ડી.એસ. ગરાળા દ્વારા કરવામાં આવ્યું હતું.
- text
