- text
ગ્રામ પંચાયતની ચૂંટણી શાંતિપૂર્વક પૂર્ણ કરવાના હેતુથી ફ્લેગ માર્ચનું આયોજન
ટંકારા : ટંકારા ગ્રામ પંચાયતની ચૂંટણીને લઈ શાંતિપૂર્ણ માહોલમાં નિર્ભયતાપુર્વક મતદારો પોતાનો અધિકાર ભોગવે અને શાંતિ સલામતી અને સુરક્ષા સાથે ચૂંટણી પ્રક્રિયા સંપન્ન થાય તે હેતુથી ટંકારા પોલીસ દ્વારા શહેરના રાજમાર્ગો ઉપર ફ્લેગ માર્ચ યોજવામાં આવી હતી.
શહેરના મુખ્ય પ્રવેશદ્વાર દેરીનાકા, મેઈન બજાર, દયાનંદ સરસ્વતી ચોક, દવાખાના રોડ, નગરનાકા, સોસાયટી વિસ્તાર સહિતના મહોલ્લામાં ટંકારા પોલીસ સ્ટેશનના થાણા અધિકારી બી. ડી. પરમાર, મહિલા ફોજદાર ગોંડલિયાબેન, પોલીસ જમાદાર અને સ્ટાફ સાથે જી.આર.ડી. હોમગાર્ડના ૧૦૦ જેટલા જવાનો સાથે ફ્લેગ માર્ચ યોજાઈ હતી.
તદ્ઉપરાંત, ટંકારા પોલીસે નાઈટ પેટ્રોલીંગ અને નવા પોઇન્ટનો વધારો કર્યો છે. જેના કારણે ચોરી અને આવારા તત્વોમાં ફફડાટ છે કે નહિ અને શહેરીજનોને સંતોષ છે કે કેમ તે અંગે પણ ચર્ચા કરી હતી. સાથે ટંકારામા શાંતિ અને સુરક્ષા માટે પોલીસ ખડેપગે છે, તેનો અહેસાસ પણ કરાવ્યો હતો. અંતમાં ટંકારા પોલીસે તમામ મતદારો તેનો મતાધિકારનો ઉપયોગ નિર્ભય રીતે કરે એવી અપીલ કરી હતી.
- text
મોરબી અપડેટના વિડિઓ ન્યુઝ અને સ્પેશિયલ માહિતીપ્રદ વિડિઓ સ્ટોરી જુઓ Morbi Updateની યૂટ્યૂબ ચેનલ પર..
આપના મોબાઈલમાં યૂટ્યૂબની એપ્લીકેશન ઓપન કરી તેમાં Morbi Update સર્ચ કરી અમારી ચેનલ સબસ્ક્રાઇબ કરીને બેલ આઈકન પર ક્લીક કરવા વિનંતી..
- text
