- text
મોરબી જિલ્લામાં 15 સ્થળો ઉપર વેક્સિનેશન શરૂ કરાતા યુવા વર્ગમાં ખુશીનો માહોલ
મોરબી : લાંબા સમયથી મોરબીના યુવાનોની જે માંગણી હતી તે મુજબ આજથી 18થી 44 વર્ષના યુવાનો માટે કોરોના વેક્સીન આપવાની જાહેરાત સાથે ગઈકાલે રાત્રીના ઓનલાઇન રજીસ્ટ્રેશન શરૂ થતાની સાથે જ મોરબીના તમામ 15 વેકસીનેશન સેન્ટરમાં યુવાનોએ ધડાધડ રજીસ્ટ્રેશન કરી નાખતા રાત્રે જ મોટાભાગના સેન્ટરના તમામ સ્લોટ ફૂલ થઇ જવા પામ્યા હતા.
- text
રાજ્ય સરકાર દ્વારા 18 થી 44 વર્ષની વયજૂથના યુવાવર્ગ માટે તા.4 જૂનથી રાજ્યના તમામ જિલ્લામાં વેક્સિનેશન શરૂ કરવાની જાહેરાત કર્યા બાદ મોરબી આરોગ્ય વિભાગ દ્વારા જિલ્લામાં 15 વેક્સિનેશન સેન્ટર ઉપર રસીકરણ માટે સવા નવ વાગ્યે વિધિવત જાહેરાત કરી હતી. જેના બે થી અઢી કલાકના સમયગાળામાં જ છ વેક્સિનેશન સેન્ટરના તમામ સ્લોટ ફૂલ થઇ ગયા હતા. અને અન્ય સેન્ટરમાં પણ યુવાનોએ ધડાધડ રજીસ્ટ્રેશન કરતા કોરોના વેક્સીન મુકાવવા યુવાનોમાં ભારે ઉત્સાહ હોવાનું સ્પષ્ટ બન્યું છે.
- text
