- text
મિત્રો સાથેની મસ્તી ભારે પડી : મિયાણા યુવાને છરી અને ધોકો મારતા જીવ ગુમાવ્યો
હળવદ : હળવદ જીઆઇડીસી વિસ્તારમાં મસ્તી બાબતે ઝગડો થયા બાદ એક યુવાનને છરીના ઘા ઝીકી માથામાં ધોકો મારતા યુવાનનું મૃત્યુ નીપજ્યું હતું.
બનાવ અંગે જાણવા મળતી વિગત મુજબ હળવદ જીઆઇડીસી વિસ્તારમાં પાનના ગલ્લે અમુક મિત્રો મસ્તી કરતા હતા. જેમાં મસ્તી બાબતે પ્રથમ ઉગ્ર બોલાચાલી થયા બાદ પાંચ જેટલા યુવકોએ અવેશ કાસમ જંગિયા ઉવ.20ને છરીના ઘા ઝીકી અને માથામાં ધોકો મારતા ઘાયલ યુવાનને પ્રથમ હળવદ બાદ વધુ સારવાર માટે મોરબી સીવિલ હોસ્પિટલમાં ખસેડવામાં આવ્યો હતો. પરંતુ આ યુવાનને વધુ સારવાર મળે તે પેહલા જ તેનું મૃત્યુ નીપજ્યું હતું.
- text
સામાન્ય મસ્તીની બાબતમાં થયેલા ઝગડામાં એક યુવાનનો ભોગ લેવાય જતા હળવદ પંથકમાં ચકચાર મચી ગઇ હતી. પોલીસે હત્યાના બનાવમાં હાલ 2 યુવકોની અટક કરી આગળની તપાસ શરૂ કરી હોવાનું જાણવા મળી રહ્યું છે.
- text
