અમુક શખ્સોએ કરેલા ગેરકાયદેસર દબાણને હટાવવા સ્થાનિકોની ઉચ્ચ કક્ષાએ રજૂઆત મોરબી : મોરબીના વીસીપરા વિસ્તારમાં સ્મશાન નજીક લોકમેળો ભરાય છે, તે જગ્યાએ અનધિકૃત બાંધકામ કરીને ગેરકાયદેસર દબાણ કરવા આવ્યું છે. તેને અટકાવવા સ્થાનિકો દ્વારા ઉચ્ચ કક્ષાએ લેખિત રજૂઆત કરવામાં આવી છે. આ લેખિત રજૂઆતમાં જણાવાયું છે કે મોરબીમાં વીસીપરા વિસ્તારમાં સ્મશાન પાસે દર વર્ષે લોકમેળો થાય છે. અને આ લોકમેળા માટે મોરબી નગરપાલિકા દ્વારા જગ્યા અનામત રાખવામાં આવેલ છે. આ અનામત રાખવામાં આવેલ જગ્યામાં અમુક લોકો ખોટી રીતે ગેરકાયદેસરનું દબાણ કરી અનધિકૃત બાંધકામ કરીને દબાણ કરી રહ્યા છે. એટલું જ નહિ આ દબાણવાળી જગ્યાનું બારોબાર ખોટી રીતે વેચાણ પણ થઇ રહ્યું છે. આ લોકો જેઓએ દબાણ કરેલ છે તેઓ ગુનાહીત પ્રવૃત્તિઓવાળા છે. આમ જાણતાને ત્યાંથી અવરજવર અટકાવીને ખુબ જ હેરાન-પરેશાન કરે છે. આ જગ્યા મોરબી નગરપાલિકાની હદમાં આવે છે અને ખોટી રીતે ગેરકાયદેસરનું દબાણ કરવામાં આવે છે અને સરકારી જમીનો બારોબાર વહેંચાઈ જાય છે. તેમજ આ લોકોને અવાર-નવાર કહેવા છતાં તેઓ માનતા ન નથી. આ માથાભારે શખ્સો લોકોને એમ કહે છે કે 'તમારાથી થાય તે કરી લો, આ જમીન કોઈના બાપની નથી અને કોણ છે માઈનો લાલ કે અમને અહિયાંથી હટાવે, તેના અમે ટાંટિયા ભાંગી નાખશુ.' તેથી, આવા માથાભારે સભ્યોએ કરેલા ગેરકાયદેસરનું દબાણ દૂર કરાવવા અપીલ કરાઈ છે.
.jpg)
