- text
બનાવને પગલે પોલીસ ઘટનાસ્થળે દોડી ગઇ: મૃતકના પરિવારજનોની શોધખોળ હાથ ધરાઇ
હળવદ: હળવદ તાલુકાના કવાડિયા ગામના પાટિયા નજીક અમદાવાદ તરફથી આવતી ટ્રાવેલ્સ ચાલકે એક અજાણ્યા પૌઢને અડફેટે લેતા તેનું ઘટના સ્થળે જ કમકમાટીભર્યું મોત નીપજયું હતું બનાવને પગલે પોલીસ ઘટનાસ્થળે દોડી ગઇ મૃતકની લાશને પી.એમ.માટે હળવદ સરકારી હોસ્પિટલ ખાતે ખસેડી ટ્રાવેલ્સ ચાલક વિરુદ્ધ ધોરણસરની કાર્યવાહી હાથ ધરવામાં આવી છે.
બનાવની જાણવા મળતી વિગતો મુજબ આજરોજ સવારના દસેક વાગ્યાની આસપાસ અમદાવાદ તરફથી પુરપાટ ઝડપે આવતા ટ્રાવેલ્સ ચાલકે કવાડિયા ગામના પાટિયા નજીક એક અજાણ્યા આશરે ૫૦ વર્ષના પૌઢને અડફેટે લીધા હતા જેમા આ પૌઢ ગંભીર રીતે ઈજાગ્રસ્ત થતાં તેને ત્યાં જ દમ તોડી દીધો હતો.
- text
અકસ્માતમાં બનાવને પગલે બીટ જમાદાર મનહરભાઈ પ્રજાપતિ, શક્તિસિંહ સહિતના પોલીસ જવાનો ઘટનાસ્થળે દોડી જઈ મૃતકની લાશને પીએમ અર્થે હળવદ સરકારી હોસ્પિટલ ખાતે ખસેડી મૃતકના પરિવારજનોની શોધખોળ આદરી હતી સાથે જ અકસ્માત સર્જનાર ટ્રાવેલ્સ ચાલક વિરુદ્ધ ધોરણસરની કાર્યવાહી હાથ ધરવામાં આવી હોવાનું જાણવા મળ્યું છે.
વધુમાં જાણવા મળતી માહિતી મુજબ આ ટ્રાવેલ્સ અમદાવાદ થી ભુજ તરફ જતી હોય તે વેળાએ હળવદના કવાડિયા નજીક અકસ્માત સર્જાયો હતો જોકે સદ્નસીબે ટ્રાવેલ્સ પલટી મારતા મારતા બચી ગઇ હતી જેના કારણે તેમાં રહેલ મુસાફરોના જીવ તાળવે ચોંટી ગયા હતા.
- text
