- text
વાંકાનેર : સરધારકામાં જુના મનદુઃખનો ખાર રાખી હુમલો કરતા યુવકના હાથનો અંગુઠો કપાયો ગયો હતો. તાલુકા પોલીસે બનાવની નોંધ કરી ધોરણસરની કાર્યવાહી હાથ ધરી હતી.
- text
ગઈકાલે તા. 28ના રોજ ફરિયાદી ભોપાભાઇ રાણાભાઇ ધરજીયા (ઉ.વ. ૬૦ ધંધો રહે. સરધારકા ગામની સીમમાં વાડીએ) ખીમાભાઇ ભલાભાઇ મકવાણાની વાડીએથી ચા-પાણી પી પોતાની વાડીએ જતા હતા ત્યારે આરોપીઓ કેશાભાઇ અમરશીભાઇ, વિક્રમભાઇ કેશાભાઇ તથા રત્નાભાઇ કેશાભાઇ (રહે. ત્રણેય સરધારકા ગામની સીમ)એ ફરીયાદીને અગાઉ મનદુખ હોય તેનો ખાર રાખી ‘અમોને અગાઉ કેમ ગાળો આપતો હતો’ તેમ કહી આરપીઓએ ફરીયાદીને ગાળો આપી ઢીકા પાટુનો માર મારેલ તેમજ લાકડી વતી ફરીયાદીને ડાબા પગે માર મારી તથા લોખંડના પાઇપ વતી શરીરે મારમારી મુંઢ ઇજા કરી હતી. તેમજ નરવીરભાઇ ભોપાભાઇને કેશાભાઇએ ધારીયાનો એક ઘા મારતા ડાબા હાથનો અંગુઠો કપાય ગયેલ છે. આ બનાવની તાલુકા પોલીસ સ્ટેશનમાં ફરિયાદ નોંધાવતા પોલીસે ધોરણસરની કાર્યવાહી હાથ ધરી હતી.
- text
