મોરબીના ઉમિયા માનવ સેવા ટ્રસ્ટ દ્વારા કોરોના વોરિયર્સનું સન્માન કરાયું

28/04/2020 at 1:53 pm

- text

મોરબી : પ્રથમ લોકડાઉન શરુ થયું ત્યારથી અત્યાર સુધી મોરબીના ઉમિયા માનવ સેવા ટ્રસ્ટ દ્વારા વિવિધ સેવાકીય પ્રવૃત્તિઓ કરવામાં આવી રહી છે. ત્યારે આજે ટ્રસ્ટ દ્વારા નિષ્ઠાપૂર્વક ફરજ બજાવી રહેલા કોરોના વોરિયર્સ એવા પોલીસ અને આરોગ્યના કર્મીઓનું પુષ્પગુચ્છ આપી સન્માન કરાયું હતું.

આજે તા. 28ના રોજ ઉમિયા માનવ સેવા ટ્રસ્ટ દ્વારા બાપા સીતારામ ચોક, રવાપર ચોક સહીત વિવિધ જગ્યાએ તટસ્થતાથી ખડેપગે ફરજ નિભાવી રહેલા પોલીસ કર્મીઓને સન્માનિત કરવામાં આવ્યા હતા. તેમજ એ ડિવિઝન પીઆઇ ચૌધરી સાહેબ, ડીવાયએસપી રાધિકા ભારાઈ, મહિલા પીએસઆઇ વિશાખા ગોંડલીયા સહિતના પોલીસ અધિકારીઓ પણ સન્માન કરવામાં આવ્યું હતું. આ ઉપરાંત, કોરોનાના કહેર વચ્ચે રાત-દિવસ સતત કાર્યરત રહેતા આરોગ્યકર્મીઓ તથા મામલતદાર રૂપાપરા સાહેબનું પણ સન્માન કરવામાં આવ્યું હતું. આ કાર્યમાં ટ્રસ્ટના પ્રમુખ પોપટભાઈ કગથરા, ગોપાલભાઈ ચારોલા સહિતના સભ્યો જોડાયા હતા.