મોરબી : હાલમાં વિશ્વ તેમજ સમગ્ર દેશમાં કોરોના મહામારી અન્વયે દેશમાં અમલમાં આવેલ લોક-ડાઉનના કારણે રાજ્યની ગૌશાળા-પાંજરાપોળ ખાતે નિભાવવામાં આવતા પશુઓ માટે ઘાસચા૨ાની અલગ વ્યવસ્થા કરવી અનિવાર્ય બનેલ છે. ત્યારે રાજ્યના કૃષિ, ખેડૂત કલ્યાણ અને સહકાર વિભાગ દ્વારા પાંજરાપોળ/ગૌશાળાઓને પશુ સહાય ચૂકવવા અંગે ઠરાવ પસાર કરાયો છે. જે નીચે મુજબ છે. 1. આ સહાય ૨ાજ્યની તમામ રજીસ્ટર્ડ ગૌશાળા-પાંજરાપોળના નોધાયેલ ગાય-ભેંસ વર્ગના પશુઓ માટે તા. 1 થી તા. 30 એપ્રિલ સુધી આપવાની ૨હેશે. 2. મહેસૂલ વિભાગના ઠરાવને ધ્યાને રાખીને પ્રતિ દિન પશુ દીઠ રૂ. 25ની રોકડ સહાય આપવાની ૨હેશે. 3. પશુ સહાયને પાત્ર થતી હોય તેવી તમામ રજીસ્ટર્ડ ગૌશાળા-પાંજરાપોળની સંબંધિત મામલતદારે રૂબરૂ મુલાકાત લઈ સંસ્થાના નોંધાયેલ પશુઓની ભૌતિક ગણતરી કરી સહાય માટે દ૨ખાસ્ત કલેકટરને મોકલી આપવાની રહેશે. જેના આધારે કલેકટરએ સહાય ચુકવવાની રહેશે અને તેની વિગતો ગુજરાત ગૌ સેવા અને ગૌચ૨ વિકાસ બોર્ડ, ગાંધીનગ૨ને મોકલી આપવાની ૨હેશે. 4. આ અંગેનો ખર્ચ રાજયના બજેટ હેઠળ ગૌસેવા અને ગૌચ૨ વિકાસ બોર્ડ, ગાંધીનગ૨ની નાણાકીય વર્ષ 2019-20 અને 2020-21 ના મંજૂર થયેલ અંદાજપત્રમાંથી ક૨વાનો રહેશે અને આ અંગે ગૌસેવા અને ગૌચર વિકાસ બોર્ડ, ગાંધીનગ૨ દ્વારા જરૂરિયાત મુજબની ગ્રાંટ સંબંધિત કલેકટરના હવાલે મુકવાની રહેશે.
.jpg)
