- text
મોરબી : મોરબી રેલવે સ્ટેશન નજીક જાહેર ફૂટપાથ પર વરલી-મટકાના આંકડા ચિઠ્ઠીમાં લખી જુગાર રમાડતા એક શખ્સને એલ.સી.બી. (લોકલ ક્રાઈમ બ્રાન્ચ)એ ઝડપી પાડ્યો છે જ્યારે આ બનાવમાં અન્ય એક શખ્સની સંડોવણી ખુલતા પોલીસે તેને ઝડપી પાડવાની કવાયત હાથ ધરી છે.
- text
મોરબીના રેલવે સ્ટેશન પાસે ફુટપાથ પરથી વિજય મીઠા કાનાણી નામના ( રહે. વાવડી રોડ, કુબેરનગર પાસે, ભક્તિનગર સોસાયટી) 48 વર્ષીય શખ્સને વરલી ફીચરના આંકડા લેતા ઝડપી પાડ્યો હતો. વિજય કાનાણી રસ્તે આવતા જતા લોકો પાસેથી કલ્યાણ બજાર નામના વરલીના આંકડા લઈ લખીને જુગારીઓને આપતો હતો. આ શખ્સ પાસેથી પોલીસે રૂ.5200 રોકડા કબ્જે કર્યા છે. જ્યારે તેની વિસ્તૃત પૂછપરછમાં માધાપરમાં રહેતા મયુરસિંહ જાડેજાનું નામ ખુલતા તેને ઝડપી લેવા પોલીસે શોધખોળ આદરી છે.
- text
