મોરબી : મોરબીના રામધન આશ્રમ ખાતે આહીર કર્મચારી મંડળ દ્વારા સ્નેહમિલન યોજવામાં આવ્યું હતું. આ સ્નેહમિલનના કાર્યક્રમમાં મોટી સંખ્યામાં સભ્યો ઉપસ્થિત રહ્યા હતા. સાથોસાથ બાળકોએ વિવિધ રમતોની મોજ પણ માણી હતી. આ સ્નેહમિલનના કાર્યક્રમમાં બાળકો માટે વિસરાતી જતી રમતો જેવી કે સંગીત ખુરશી, મેમરી ટેસ્ટ, ટાર્ગેટ, લીંબુ ચમચી, ચોકલેટ વિણનું આયોજન કરવામાં આવ્યું હતું. જેમાં મોટી સંખ્યામાં બાળકોએ ઉત્સાહપૂર્વક ભાગ લીધો હતો. આ કાર્યક્રમને સફળ બનાવવા મંડળના પ્રમુખ અજયભાઈ ડાંગર, ઉપપ્રમુખ વિક્રમભાઈ ડાંગર, મંત્રી મયુરભાઈ ગજીયા, સહમંત્રી વિનયભાઈ વાંક, ગૌરાંગભાઈ એન. ગોહેલ અને સંગઠન મંત્રી રણધીરભાઈ ડાંગર તેમજ કારોબારી સભ્યોએ જહેમત ઉઠાવી હતી.
.jpg)
