- text
મોરબી : હૈદરાબાદની મહિલા ડોકટર પર દુષ્કર્મ ગુજારી હત્યા કરવાના જઘન્ય બનાવથી સમગ્ર દેશભરમાં ભારે આક્રોશ ફેલાયો છે.દેશમાં મહિલાઓ પર વધી રહેલા અત્યાચારોને કારણે દેશભરમાં રોષ ભભૂકી ઉઠ્યો છે અને આ ઘટનાનો ઠેરઠેર ઉગ્ર વિરોધ થઈ રહ્યો છે.ત્યારે હૈદરાબાદની મહિલા ડોક્ટર પર દુષ્કર્મ આચારી નિર્દયી હત્યા કરવાની ઘટનાના વિરોધમાં મોરબી અખિલ ભારતીય વિધાર્થી પરિષદની ટિમ દ્વારા આજે તા.1 ડિસેમ્બરના રોજ સાંજે 6-30 વાગ્યાની આસપાસ સરદાર પટેલની પ્રતિમા પાસે નવા બસ સ્ટેન્ડ શનાળા રોડ મોરબી ખાતે કેન્ડલ માર્ચનું આયોજન કરવામાં આવ્યું છે જેમાં નારેબાજી કરીને આ બનાવને સખત શબ્દોમાં વખોડી કાઢી પીડિતાને ન્યાય આપવાની માંગ કરાશે.આ કેન્ડલ માર્ચમાં શહેરીજનોને મોટી સંખ્યામાં જોડાવાની હાકલ કરવામાં આવી છે.
- text
