- text
માળીયા : માળીયા મિયાણા તાલુકાના વેજલપર ગામે કપાસ જોખવા મામલે એક શખ્સે ખેડૂત પર કુહાડીથી હુમલો કરીને જાનથી મારી નાખવાની ધમકી આપ્યાની ફરિયાદ માળીયા પોલીસ મથકે નોંધાઇ છે.માળીયા પોલીસે આ બનાવની ફરિયાદ નોંધીને ધોરણસરની કાર્યવાહી હાથ ધરી છે.
- text
આ બનાવની માળીયા મીંયાણા પોલીસ સ્ટેશનેથી પ્રાપ્ત થતી વિગતો અનુસાર રમેશભાઇ માધવજીભાઇ કૈલા ઉ.વ. ૪૧ ધંધો-ખેતી રહે વેજલપર તા-માળીયા વાળાએ માવજીભાઇ મગનભાઇ કૈલા રહે વેજલપર તા.માળીયા મીયાણા સામે માળીયા પોલીસ મથકે ફરિયાદ નોંધાવી હતી કે,તા.૨૧ ના રોજ સાંજના સાતેક વાગ્યાના સમયે આરોપીને અગાઉ સાતેક માસ પહેલા કપાસ જોખવા બાબતે ફરીયાદી સાથે બોલાચાલી થઈ હોય જે બાબતનો ખાર રાખી ફરીયાદી ઉપર કુહાડીથી હુમલો કરી ડાબા હાથના અંગુઠામા તેમજ ડાબા હાથમા ગંભીર ઇજા કરી તેમજ વાસાના ભાગમા ઇજા કરેલ હોય અને ફરીને ગાળો બોલી જાનથી મારી નાખવાની ધમકી આપી નાશી છૂટ્યો હતો. માળીયા પોલીસે આ બનાવની ફરિયાદ નોંધીને આરોપીને ઝડપી લેવા તપાસ હાથ ધરી છે.
- text
