- text
ટંકારા : ટંકારા યુવાન કોન્સ્ટેબલ તરીકે ફરજની શરૂઆત કરીને ASI તરીકે સમગ્ર પંથકમાં એ.જે.ના હુલામણા નામથી ઓળખવામાં આવતા અતુલ રાઠોડની વયમર્યાદાના કારણે નિવૃત્તિ મળતા ટંકારા પોલીસ પરીવાર અને મહિલા પી.એસ.આઈ. એલ. બી. બગડા દ્વારા જાજરમાન વિદાય સંભારંભ યોજાયો હતો. અતુલ રાઠોડે ફોજદાર એલ.બી. બગડાને આખરી સલામ કરી ભીની આંખે ફરજ પરથી વિદાય લીધી હતી.
- text
સામાન્ય રીતે, પોલીસ રિટાયર્ડ થાય તો લોકોને વધુ ફરક ન પડતો હોય પણ હાલ ASI અતુલ રાઠોડના વિદાય સમારંભ દરમિયાન પોલીસ મથકે સ્વયંભુ નગરજનો ઉમટી પડ્યા હતા. ઉલ્લેખનીય છે કે નોકરીના વર્ષો દરમિયાન નૈતિક ફરજ નિભાવી જનજનના હ્રદયમા સ્થાન પામેલા અતુલભાઈ રાઠોડની પોલિસની નોકરી દરમિયાન આવેલા અનેક ઉતાર-ચડાવ તેઓએ હસતા મોંએ સ્વીકાર્યા હતા. આ તકે શહેરના મામલતદાર પંડયા, બહ્મ સમાજના અગ્રણી શશી અદા, પુર્વ સરપંચ કાનાભાઈ ત્રિવેદી, મુકેશ બાવાજી ઉપ-સરપંચ સલિમ અંબાણી સહિત અનેક નગરજનો અને પોલીસ પરીવાર સાથે રાઠોડ પરીવાર હાજર રહ્યા હતા. તેમજ અતુલભાઈ રાઠોડને માન-સન્માન સાથે વિદાય આપવામાં આવી હતી.
- text
