- text
મોરબી : મોરબી તાલુકા પોલીસ ટીમ દ્વારા મોરબી તાલુકાના ઘુંટુ ગામમાંથી વિદેશી દારૂ તથા બિયર કી. રૂ. 25,800ના જથ્થા સાથે એક શખ્સને પકડી પાડી કાયદેસરની કાર્યવાહી કરવામાં આવી હતી.
- text
મોરબી તાલુકા પોલીસ સ્ટેશન પાસેથી પ્રાપ્ત વિગત મુજબ ગઈકાલે તા. 31/10/2019ના રોજ મોરબી તાલુકા પોલીસ ટીમે પોલીસ કોન્સ્ટેબલ હિતેષભાઇ ચાવડા તથા અશોકભાઈ ખાંભરાને મળેલ બાતમીના આધારે ઘુંટુ ગામમાં ડાળમાંદાદાના મંદિર નજીકના રોડ પરથી ભારતીય બનાવટના વિદેશી દારૂની 750 મી.લી.ની બોટલો નંગ 78 કી. રૂ. 23,400નો વિદેશી દારૂ તથા બિયર ટીન નંગ 24 કી. રૂ. 2400 મળી કુલ કી. રૂ. 25,800ના ગેરકાયદેસર વેચાણ અર્થે અલગ-અલગ થેલામાં રાખેલ જથ્થા સાથે આરોપી પરશુ લુણજીભાઈ મહિડા (ઉ. વ. 35, રહે. ખતલા ગામ, તા. ધાનપુર, જી. દાહોદ)ની ધોરણસર અટક કરી આરોપી વિરુદ્ધ મોરબી તાલુકા પોલીસ સ્ટેશનમાં પ્રોહિબિશન એક્ટ મુજબ ગુનો નોંધી કાયદેસરની કાર્યવાહી કરવામાં આવી હતી.
- text
