વેપારીઓએ ચીફ ઓફિસર અને કલેકટરને રજુઆત કરીને આ બન્ને સમસ્યાઓનું નિરાકરણ કરવાની માંગ કરી મોરબી : મોરબીના ગાંધીચોક પાસેની સરકારી હોસ્પિટલની બાજુના જાહેર શોચાલયની ગંદકી રોડ ઉપર ઉભરાતી હોવાથી અને આ રોડની ખરાબ દુર્દશાથી ગાંધીચોકથી સૌરાષ્ટ્ર હેર ડ્રેસર સુધીના વેપારીઓ ત્રાહિમામ પોકારી ગયા છે. આથી વેપારીઓ આજે ચીફ ઓફિસર અને કલેકટરને રજુઆત કરીને આ રોડ પરની શોચાલયની ગંદકી તથા ખરાબ રોડની સમસ્યાઓનું નિરાકરણ લાવવાની માંગ કરી છે. મોરબીના ગાંધીચોકથી સૌરાષ્ટ્ર હેર ડ્રેસર સુધીના વેપારીઓએ ચીફ ઓફિસર અને કલેકટરને લેખિતમાં રજુઆત કરી હતી કે, ગાંધીચોક પાસે આવેલ સરકારી હોસ્પિટલની બાજુના જાહેર શૌચાલયની ગંદકી સફાઈના અભાવે નિરંતર જાહેર રોડ પર ઓવરફ્લો થાય છે. શૌચાલયની ગંદકી આ રોડ ઉપર ફેલાતી હોવાથી અહીંના વેપારીઓને ભારે હાલાકી ભોગવવી પડે છે. તેમજ આ ગંદકીને કારણે સિવિલ હોસ્પિટલમાં સાજા થવા માટે આવતા દર્દીઓ વધુ માંદા પડે તેવી નોબત આવી છે. ગાંધીચોકથી સૌરાષ્ટ્ર હેર ડ્રેસર સુધી શૌચાલયની ગંદકી ફેલાતી હોવાથી વાહન ચાલકો અને રાહદારીઓને અવરજવર કરવામાં ભારે મુશ્કેલીઓ વેઠવી પડે છે. આ ઉપરાંત અહીંના રોડની પણ ખૂબ જ ખરાબ દશા છે. આ રોડ પર ઠેરઠેર ખાડા પડી ગયા છે જેથી અતિશય ટ્રાફિક ધરાવતા આ માર્ગ પર વાહન ચાલકોને અવર જવર કરવામાં અકસ્માતનું જોખમ રહેલું છે. જોકે અગાઉ તંત્ર દ્વારા અવારનવાર રોડની મરામત કરવામાં આવે છે, પણ રોડનું કામ વ્યવસ્થિત ન થતું હોવાથી રોડ તૂટી જાય છે. ત્યારે આ રોડની દશા મામલે અગાઉ વેપારીઓ પાલિકા તંત્રને રજુઆત કરી હતી, પણ તે વખતે ટૂંક સમયમાં રોડનું કામ શરૂ થવાની ખાતરી આપ્યા બાદ હજુ સુધી કામ શરૂ થયું નથી. હાલ ચોમાસું હોવાથી રોડની સ્થિતિ વધુ ગંભીર બને તે પહેલાં આ બાબતે યોગ્ય કામગીરી કરવાની વેપારીઓ માંગ કરી છે. આપણું મોરબી..આપણો રેડીઓ.. Morbi Update ન્યુઝ એપ્લિકેશન અને વેબસાઈટને મોરબીના લાખો લોકોએ વધાવી લીધી છે. ત્યારે મોરબીના લાખો લોકોના પ્રેમ અને આશીર્વાદથી મોરબી અપડેટ દ્વારા સમાચારોથી વધુ આપવાના હેતુ સાથે યંગ ઇન્ડિયા ગ્રુપના સહયોગથી શરૂ કર્યો છે મોરબીનો પોતાનો રેડીઓ એટલે કે મોરબી એપ રેડિયો.. Morbi Update ની નવા રૂપરંગ અને નવા રેડીઓ ફીચર સાથેની એપ્લિકેશન અપડેટ કરવા અથવા ડાઉનલોડ કરવા નીચેની લિંક પર ક્લીક કરો.. https://play.google.com/store/apps/details?id=com.morbiupdwsate.ne
.jpg)
