- text
બનાવ અકસ્માતનો કે આત્મહત્યાનો તે અંગે રેલવે પોલીસ દ્વારા તપાસ
માળિયા : માળીયાના ખાખરેચી પાસે ટ્રેન હડફેટે એક સગીરનું મોત થયું હોવાનું સામે આવ્યું છે. હાલ આ બનાવ આત્મહત્યાનો છે કે અકસ્માત તે અંગે રેલવે પોલીસ તપાસ ચલાવી રહી છે.
- text
માળિયા પોલીસ પાસેથી મળતી વિગત પ્રમાણે ખાખરેચી નજીક પસાર થતા રેલવે ટ્રેક ઉપર ટ્રેનની હડફેટે શૈલેષ ચંદુભાઈ ઝીઝૂડીયા ઉ.વ.17 રહે. કુંભરીયાવાળાનું મોત નીપજ્યું છે. મૃતક સગીર દોઢ વર્ષની ઉમરથી મામા સાથે રહેતો હોવાનું પ્રાથમિક તપાસમાં જાણવા મળ્યું છે. જોકે સગીરે ટ્રેન હેઠળ પડતું મૂકી આપઘાત કર્યો છે કે પછી અકસ્માતનો બનાવ છે તે રેલવે પોલીસ દ્વારા તપાસ હાથ ધરવામાં આવી છે.
- text
