મોરબી શહેર સ્વચ્છતા બાબતે દેશમાં ૨૦૭માં ક્રમે : સ્વચ્છતામા ઓનપેપર ઘણો સુધારો, હકિકતમાં ઠેર ઠેર ગંદકીના ગંજ મોરબી : સ્વચ્છતા સર્વેક્ષણમા મોરબીની સ્થિતિ સુધરી હોવાનું સામે આવ્યું છે. ગત વર્ષે સ્વચ્છતા સર્વેક્ષણમાં મોરબી ૩૫૪મા ક્રમે હતું. ત્યારે આ વર્ષે મોરબી ૨૦૭મા ક્રમે પહોંચ્યું છે. આમ ઓન પેપર શહેરની સ્વચ્છતામાં ઘણો સુધારો આવ્યો હોવાથી સ્વચ્છતા સર્વેક્ષણમાં મોરબીએ ૧૪૭ ક્રમનો હાઈ જમ્પ માર્યો છે. જો કે વાસ્તવિકતા જોઈએ તો હજુ પણ ઠેક ઠેકાણે ગંદકીના ગંજ જોવા મળે છે. દર વર્ષે હાથ ધરવામાં આવતા સ્વચ્છતા સર્વેક્ષણમાં દેશભરના શહેરોની સૌ પ્રથમ સમીક્ષા કરવામાં આવે છે. બાદમાં તમામ શહેરના ક્રમો જાહેર કરવામાં આવે છે. ગત વર્ષે ૨૦૧૮માં દેશભરમાં મોરબી શહેરનો ક્રમ ૩૫૪મો આવ્યો હતો. ત્યારે આ વર્ષે ૨૦૧૯મા સ્વચ્છતા સર્વેક્ષણમા દેશભરમાં મોરબી શહેરે ૨૦૭મો ક્રમ હાંસલ કર્યો છે. આમ મોરબી શહેરે સ્વચ્છતામા ઘણો સુધારો કર્યો હોવાનું ઓન પેપર બોલે છે. ગત વર્ષની સરખામણીએ મોરબીએ સ્વચ્છતામાં ૧૪૭ નંબરનો હાઈ જમ્પ લગાવ્યો છે. રાજય કક્ષાએ જોઈએ તો ગત વર્ષ ૨૦૧૮માં મોરબી શહેરે ૩૦મો ક્રમ હાંસલ કર્યો હતો. જ્યારે આ વર્ષે ૨૦૧૯મા સ્વચ્છતા સર્વેક્ષણમાં મોરબી શહેરે ૨૪મો ક્રમ મેળવ્યો છે. આમ રાજ્યકક્ષાએ પણ મોરબીએ સ્વચ્છતામાં સુધારા સાથે ૬ નંબરનો જમ્પ લગાવ્યો છે. આમ ઓન પેપર મોરબી શહેર સ્વચ્છતામાં આગળ આવ્યું હોવાનું બતાવે છે પરંતુ હકકિતમાં શહેરમા ઠેર ઠેર ગંદકી જ જોવા મળે છે. મોરબી અપડેટના ન્યુઝ આપના મોબાઈલમાં સરળતાથી વાંચવા અમારી એપ્લિકેશન ઇન્સ્ટોલ કરો અને મેળવતા રહો મોરબી જિલ્લાના તાજા સમાચારો..એપ્લિકેશન ડાઉનલોડ કરવા નીચેની લિંક પર ક્લીક કરો..આભાર https://play.google.com/store/apps/details?id=com.morbiupdate.news&hl=en
.jpg)
