- text
હળવદ પોલીસે ૩૭૨ પેટી દારૂ એક ટ્રક ,એક ટ્રેક્ટર એક મોટરસાયકલ, ત્રણ મોબાઈલ સહિત રૂ. ૩૯ લાખનો મુદ્દામાલ કબજે કર્યો
હળવદ : ગતરાત્રીના હળવદ પોલીસ દ્વારા તાલુકાના કોઇબા નજીકથી ગાજર નીચે છુપાવી લાવવામાં આવેલો મોટી માત્રામાં વિદેશી દારૂનો જથ્થો ઝડપી લેવામાં સફળતા સાંપડી છે પોલીસ દ્વારા ૩૭૨ પેટી વિદેશી દારૂ સાથે એક ટ્રક ,એક ટ્રેક્ટર, એક બાઈક , ત્રણ મોબાઈલ, સહિત રૂ ૩૯ લાખના મુદ્દામાલ સાથે એક આરોપીને દબોચી લઇ આગળની કાર્યવાહી હાથ ધરી છે.
બનાવની હળવદ પોલીસ મથકેથી જાણવા મળતી માહિતી મુજબ હળવદ પંથકમાં મોડી રાત્રીના ગ્રામ્ય વિસ્તારોમાં વિદેશી દારૂ નું કટિંગ થતું હોવાની ચોક્કસ બાતમીના આધારે હળવદ પી.આઈ એમ આર સોલંકી ગંભીરસિંહ ચૌહાણ બીપીન ભાઈ પરમાર વિજય છાસિયા સહિતના પોલીસ દ્વારા તાલુકાના કોઇબા ગામ ની સીમ વિસ્તારમાં દારૂનું કટિંગ થતું હોય તે વેળાએ જ દરોડો પાડતા બુટલેગરોમાં નાસભાગ મચી જવા પામી હતી હળવદ પોલીસ દ્વારા ઘટનાસ્થળેથી ૩૭૨ પેટી વિદેશી દારૂની તેમજ એક ટ્રક એક બાઈક ત્રણ મોબાઇલ મળી કુલ રૂ આશરે ૩૯ લાખના મુદ્દામાલ સાથે કોઇબા ગામના એક શખ્સને ઝડપી લીધો હોવાનું જાણવા મળ્યું છે.
- text
જ્યારે બીજી તરફ હાલ પી.આઈ સોલંકી દ્વારા તપાસ ચલાવવામાં આવી રહી છે કે આટલો મોટો વિદેશી દારૂનો જથ્થો ક્યાંથી આવ્યો હતો અને કોને કોને આપવાનો હતો તેમજ હજુ આની પાછળ કોણ કોણ સંડોવાયેલા છે તેમ સહિતની ઝીણવટભરી તપાસ પોલીસ દ્વારા હાથ ધરવામાં આવી છે જ્યારે બીજી તરફ પોલીસ દ્વારા મોટી માત્રામાં વિદેશી દારૂનો જથ્થો ઝડપી લેતાં બૂટલેગરોમાં ફફડાટ વ્યાપી ગયો છે.
મોરબી અપડેટના ન્યુઝ આપના મોબાઈલમાં સરળતાથી વાંચવા અમારી એપ્લિકેશન ઇન્સ્ટોલ કરો અને મેળવતા રહો મોરબી જિલ્લાના તાજા સમાચારો..એપ્લિકેશન ડાઉનલોડ કરવા નીચેની લિંક પર ક્લીક કરો..આભાર
https://play.google.com/store/apps/details?id=com.morbiupdate.news&hl=en
- text
