પલ્લવ રાવલનો પુત્ર ભાર્ગવ પીધેલી હાલતમાં છરી સાથે ઝડપાયો : અન્ય એક આરોપી પણ એ ડિવિઝનના ઝાંપેથી પકડાયો મોરબી : દિવસે - દિવસે મોરબીમાં કથળી રહેલી કાયદો વ્યવસ્થાની પરીસ્થીતિમાં ગેંગવોર બાદ પોલીસ કડક બની છે છતાં પણ ગઠિયા દાદા લખણ ઝળકાવવામાથી બહાર નથી આવતા ત્યારે ગઈકાલે તો પોલીસની ધાક જ રહી ન હોય તેમ દારૂ પી નશામાં ચૂર બનેલ છાકટો બનેલ એક યુવાન એ ડિવિઝન પોલીસ મથકમાં ઘૂસવાની સાથે અન્ય એક આધેડ એ ડિવિઝન પોલીસ મથકે છાકટો બની બકવાસ કરતો મળી આવતા ચકચાર જાગી છે. પ્રાપ્ત વિગતો મુજબ ગઈકાલે મોરબી પોલીસ માટે શર્મનાક ઘટના ઘટી હતી જેમાં શનાળાના કુખ્યાત પલ્લવ રાવલનો પુત્ર ભાર્ગવભાઇ પલાભાઇ રાવલ ઉવ.૨૩ રહે.મોરબી શનાળા રોડ ભકિતનગર સર્કલ પાસે અનામીકા સોસાયટી વાળો દારૂ પીધેલી હાલતમાં મોરબી સીટી એ ડીવીઝન પોલીસ સ્ટેશનમાં લાકડાના હાથાવાળી સ્ટીલની છરી મળી આવતા પોલીસે હથિયારબંધી અને પ્રોહિબિશન એક્ટ મુજબ કાનૂની કાર્યવાહી કરી હતી. જયારે બીજા કિસ્સામાં પણ સીટી એ ડિવિઝન પોલીસ મથકના ગેટ પાસે દારૂ પી જાહેરમાં છાકટો બની બકવાસ કરી રહેલ ભરતભાઇ બાબુભાઇ વસખા, રાવળદેવ ઉ.વ- ૪૯ ધંધો- મજુરી રહે- મહેન્દ્રપરા શેરી નં.૧૧ મોરબી વાળને પોલીસે પોલીસ સ્ટેશનના ગેટ પાસેથી જ ઝડપી લેતા આ બન્ને બનાવો પોલીસતંત્રની ઢીલી નીતિના પુરાવા આપી રહ્યા છે.
.jpg)
