- text
ગામના મહિલા ઉત્કર્ષ ગ્રૂપે સફાઈ અભિયાન હાથ ધર્યું : આ સફાઈ અભિયાન અન્ય મહિલાઓ માટે બન્યું પ્રેરણારૂપ
મોરબી : મોરબીના બગથળા ગામના મહિલા ઉત્કર્ષ ગ્રૂપની મહિલા સભ્યોએ આજે સાથે મળીને ગામમાં સઘન સ્વચ્છતા અભિયાન ચલાવ્યું હતું. મહિલાઓનો ઉત્સાહ અને કામગીરી જોઈને સૌ કોઈ ગ્રામજનો સફાઈ માટે પ્રેરાયા હતા.
- text
મોરબી જિલ્લાના આદર્શ ગામ તરીકે જાણીતા બગથળા ગામમાં આજે ગામના મહિલા ઉત્કર્ષ ગ્રૂપની મહિલાઓએ નારી શક્તિના દર્શન કરાવીને ગામની સફાઈ કરી હતી. મહિલાઓએ મહા મહેનતે બિનજરૂરી ઘાસ, કચરો હટાવીને તેનો યોગ્ય નિકાલ કર્યો હતો. મહિલાઓએ મિશનરૂપે હાથ ધરેલા આ સફાઈ અભિયાનથી સમસ્ત ગ્રામજનો પ્રભાવિત થયા હતા.
આ અંગે ધરતીબેન બરાસરાએ જણાવ્યું હતું કે અમારા ગામના મહિલા ઉત્કર્ષ ગ્રૂપે ગામને સંપૂર્ણ સ્વચ્છ બનાવવા માટેનું બીડું ઝડપ્યું છે. ત્યારે તેઓનું આ અભિયાન અન્ય મહિલાઓ માટે પ્રેરણારૂપ બન્યું છે.
- text
