- text
મોરબી : મોરબી તાલુકા પોલીસે વાહન ચેકીંગ દરમિયાન સોખડા ગામના પાટિયા પાસેથી સેન્ટ્રો કારમાં દારૂની હેરફેર ઝડપી લઈ ૩૧૦ લીટર દારૂ અને સેન્ટ્રો કાર સાથે બે ઇસમોને ઝડપી લીધા હતા.
પ્રાપ્ત વિગતો મુજબ મોરબી તાલુકા પોલીસ સ્ટાફ વાહન ચેકીંગમાં હતો ત્યારે સોખડા ગામના પાટિયા પાસે પસાર થતી સેન્ટ્રો કાર નંબર જી.જે. ૦૧ – બી.કે. ૯૪૯૯ માં આરોપી મહમદ હનીફ ભટ્ટી, રહે, વિશિપરા મોરબી, તથા જુસબભાઈ અલ્યાસભાઈ જંગિયા, રે.અંજીયાસર, તા.માળીયા વાળા રૂપિયા ૬૨૦૦ ની કિંમતના ૩૧૦ લીટર દારૂ સાથે ઝડપાઇ ગયા હતા જ્યારે ત્રીજો આરોપી તૈયબ ગુલામહુસેન મિયાણા, રે. મોરબી વિશિપરા વાળો પકડવાનો બાકી હોય પોલીસે રૂપિયા ૩૦ હજારની સેન્ટ્રો કાર અને દારૂ મળી ૩૬,૨૦૦ નો મુદામાલ કબજે કરી ત્રણેય વિરુદ્ધ પ્રોહીબિશન કાયદાની કલમો મુજબ ગુન્હો દાખલ કરી કાયદેસરની કાર્યવાહી કરી હતી.
- text
પોલીસની આ કામગીરી પીએસઆઇ એસ.એ.ગોહિલની આગેવાની હેઠળ હેડ.કોન્સ.મુકેશભાઈ ચાવડા, પો.કો.જસપાલસિંહ જાડેજા, અરવિંદભાઈ મકવાણા, અને અલ્પેશભાઈ જાદવ સાહિતનાઓએ કરી હતી.
- text
