- text
માતાને બચાવવા વચમાં પડેલા પુત્રને પણ નરાધમ બાપે છરીના ઘા ઝીકયા
મોરબી : મોરબીના ટીંબડી પાટિયા નજીક પતિએ પત્નીને છરીના ઘા ઝીંકી મોતને ધાટ ઉતારી દઈ પોતાના પુત્રને પણ છરીના ઘા ઝીંકતા સારવાર માટે હોસ્પિટલ ખસેડવામાં આવ્યો છે એ મામલે પોલીસે હોસ્પિટલના બિછાને પડેલ પુત્રની ફરિયાદના આધારે આરોપી પતિને ઝડપી લેવા તજવીજ હાથ ધરી છે.
ઘટના અંગે જાણવા મળતી વિગતો મુજબ મોરબી-માળિયા હાઈવે પર આવેલ ટીંબડી ગામના પાટિયા નજીક અશ્વમેધ હોટેલની પાછળ રહેતા આરોપી વસંત કેશાભાઇ લીંબાણીએ પોતાની પત્ની પ્રેમીલાબેન ને ગતરાત્રીના છરીના ઘા ઝીકી મોતને ઘાટ ઉતારી દીધી હતી અને આ સમયે માતાને બચાવવા વચમાં પડેલા વસંતે પોતાના પુત્ર સંજય પર પણ હુમલો કરતા સંજયને ઇજાઓ પહોંચતા હોસ્પિટલ ખસેડાયો હતો જ્યાં સંજયની ફરિયાદના આધારે પોલીસે હત્યારા વિરુદ્ધ ગુન્હો નોંધ્યો હતો.
- text
વધુમાં પોલીસ તપાસમાં પત્નીની હત્યા કરનાર હત્યારા વસંત કેશુભાઈ એ પ્રેમીલાબેન સાથે પ્રેમલગ્ન કર્યા હોવાનું અને લગ્ન બાદ આરોપી કોઈ કામ ધંધો કરતો ન હોવાથી પતિ – પત્ની વચ્ચે અવારનવાર કામ કરવા બાબતે ઝધડા થતા હતા જેમાં ગતરાત્રીના આરોપી અને તેની પત્ની પ્રેમિલા વચ્ચે ઉગ્ર બોલાચાલી, ઝધડો થયો હતો અને આરોપીએ ગાળો દઈ , મારમારી છરી વડે પત્ની પ્રેમીલાબેનને છાતીના ભાગે, હાથમાં ઘા ઝીંકી ગંભીર ઈજાઓ પહોચાડતા તેનું મૃત્યુ નીપજ્યું હતું.
દરમિયાન આ બનાવ સમયે હાજર તેના પુત્ર સંજયએ પોતાની માતાને છોડવવા જતા આરોપી વસંતએ તેને પણ છરીના ઘા જમણા હાથે ઝીંકીને ઈજાઓ કરી હતી અને પુત્રે સંજયને સારવાર અર્થે ખસેડવામાં આવ્યો હતો.બનાવ અંગે પુત્ર સંજય એ તેના પિતા વિરુદ્ધ ફરિયાદ નોંધાવતા મોરબી તાલુકા પોલીસે ફરિયાદ નોંધી છે.
આ ચકચારી બનાવ મામલે પી.એસ.આઈ. એસ.એ. ગોહિલ તપાસ કરી રહ્યા છે.
- text
