- text
પ્રસિદ્ધ તસવીરકાર ભાટી એન. સહિતના મહાનુંભાનું પણ સન્માન કરાયું
મોરબી : મોરબીમાં ફોટો વિડ્યો એસોસિએશન દ્વારા દશાશ્રીમાળી વણિક વાડી ખાતે પરિવારના તેજસ્વી તારલાઓના સન્માન સમારોહનું આયોજન કરવામાં આવ્યું હતું. જેમાં પ્રસિદ્ધ તસવીરકાર ભાટી એન. સહિતના મહાનુંભાનું પણ સન્માન કરાયું હતું.
આ સન્માન કાર્યક્રમમાં ધારાસભ્ય કાંતિલાલ અમૃતિયા ,અધિક કલેક્ટર પી.જી.પટેલ, મામલતદાર સતાણી સહિતના મહાનુભાવો ઉપસ્થિત રહયા હતા. જેમાં મહાનુભાવોના હસ્તે ફોટોવિડ્યો એસો.પરીવારના ધો.1 થી કૉલેજ સુધીના 155 તેજસ્વી વિધાર્થીઓનું સન્માન કરવામાં આવ્યું હતું. તેમજ મોરબી જીલ્લાના ફોટો જર્નાલિસ્ટ ભાટી એન. નું વિશેસ સન્માન કરવામાં આવ્યું હતું. આ તકે મોરબી ફોટો વિડ્યો એસોસિએશનની નવી બોડીની રચના કરવામાં આવી હતી. જેમાં પ્રમુખ તરીકે મહાદેવભાઈ ઊંટવાડીયાની નિમણુક કરવામાં આવી હતી. તેમજ મહાનુભાવો એ પ્રશગોચિત પ્રવચન કરીને શિક્ષણ સહિતના સર્વાંગી વિકાસ પર ભાર મુક્યો હતો.આ કાર્યક્રમ ને સફળ બનાવવા એસો.ના રમેશભાઈ રૂપાલા ,કે.ડી.વાઘેલા ,ભાવેશભાઈ ચીખલીયા સહિતનાએ ભારે જહેમત ઉઠાવી હતી.
- text
