- text
માળીયાના ભાવપરમાં જુગાર રમતા ત્રણ શખસો ઝડપાયા
મોરબી:માળીયા તાલુકાના ભાવપર ગામે જાહેરમાં જુગાર રમતા ત્રણ શખ્સોને પોલીસે ઝડપી લીધા હતા.
જાણવા મળતી વિગતો મુજબ માળીયા તાલુકાના ભાવપર ગામે જાહેરમાં જુગાર રમાતો હોવાની બાતમીને આધારે પોલીસ કોન્સ્ટેબલ મહિપતસિંહ હરિસિંહે રેડ પડી ચંદુભાઈ પ્રભુભાઈ,હરેશભારથી નારણ ભારથી અને ઇકબાલભાઈ અલીભાઈ નામના શખ્સોને ઝડપી લઈ ગંજીપાના અને 7900 ની રોકડ રકમ જપ્ત કરી જુગાર ધારા મુજબ ગુન્હો નોંધ્યો છે.
અપહરણ અને બળાત્કારના ગુન્હાના આરોપીને ઝડપી લેતી વાંકાનેર પોલીસ
વાંકાનેર : વાંકાનેર પોલીસ સ્ટેશનમાં નોંધાયેલા બળાત્કાર અને અપહરણના ગુન્હામાં પોલીસે નાસ્તા ફરતા આરોપીને ઝડપી લઇ રિમાન્ડની તજવીજ હાથ ધરી છે.
જાણવા મળતી વિગતોમુજ્બ વાંકાનેર તાલુકા પોલીસ મથકમાં નોંધાયેલા આઇપીસી કલમ 363,366 અને 376 સહિતના ગુન્હામાં ગઈકાલે વાંકાનેર તાલુકા પોલીસે મૂળ ચોટીલાના વનરાજ ગોપાલ ઉર્ફે ભરત દુધરેજિયાને ધોરાજીના ફરેની રોડ પરથી પકડી લીધો છે અને ગુન્હાના કામે રિમાન્ડ મેળવવા તજવીજ હાથ ધરી છે.
- text
મિલેનિયમ સિરામિકમાં શ્રમિક ઉપર ઇલેક્ટ્રિક મોટર પડતા મોત
મોરબી : મોરબી-વાંકાનેર હાઇવે પર ઢુંવા નજીક મિલેનિયમ સિરામિકમાં કરતા શ્રમિક ઉપર ઇલેક્ટ્રિક મોટર પડતા મોટ નીપજ્યું હતું.
જાણવા મળતી વિગતો મુજબ મોરબી નજીક ઢુંવા ખાતે આવેલ મિલેનિયમ સિરામિક ફેક્ટરીમાં કામ કરતા દેવશીભાઈ બુટાભાઈ કુકડીયા ઉ.45 ગઈકાલે કામ કરી રહ્યા હતા ત્યારે ફાઉન્ડેશનમાં થી મોટર છટકી તેમના પર પડતા ગંભીર ઈજાઓ સાથે મોરબી સિવિલ હોસ્પિટલમાં ખસેવામાં આવ્યા હતા જ્યાં તેમનું મૃત્યુ નીપજ્યું હતું. ઘટના અંગે પોલીસે ગુન્હો નોંધી વધુ તપાસ હાથ ધરી છે.
- text
