મોરબી : મોરબીના શકત શનાળા ગામે ઘરમાં આવેલ પાણીના ટાંકામાં પાણી ભરવા માટે ગયેલી મહિલા અકસ્માતે પાણીના ટાંકામાં ડૂબી જતા તેનું મોત થયું હતું. મોરબી સીટી એ ડીવી. પોલીસે આ બનાવની નોંધ કરીને આગળની કાર્યવાહી હાથ ધરી છે. મોરબી નજીકના શકત શનાળા ગામના રહેવાસી ભીમજીભાઈ મકવાણાની તેત્રીસ વર્ષીય પુત્રી ગીતાબેન ગઈકાલે તેના જ ઘરમાં આવેલા પાણીના ભોં-ટાંકામાંથી પાણી ભરવા જતા સમયે અકસ્માતે ટાંકામાં પડી જતા પાણીમાં ડૂબી ગયા હતા, જેથી તેનું મોત નીપજ્યું હતું. આ બનાવની તપાસ કરી રહેલા સીટી.એ.ડીવી.ના. પો.હેડ.કોન્સ. એન.કે.ઈશરાણીએ જણાવ્યું હતું કે મૃતક મહિલાના લગ્ન થયા ન હતા અને તે જન્મથી જ અપંગ હતા. ગઈકાલે તે ઘરે એકલા હતા તે સમયે પાણીના ટાંકામાં પડી જતા ડૂબી જવાથી તેનું મોત નીપજ્યું હતું. પોલીસે અકસ્માતનો ગુન્હો દાખલ કરી બનાવની વધુ તપાસ હાથ ધરી છે.
.jpg)
