મોરબી : ગુજરાત સરકારના 'રમતગમત, યુવા અને સાંસ્કૃતિક પ્રવૃત્તિઓ વિભાગ' દ્વારા તાજેતરમાં રાજ્યકક્ષાના 'યુવા ઉત્સવ - ૨૦૨૪' નું આયોજન થયેલ. જેના 'વક્તૃત્વ સ્પર્ધા' વિભાગમાં, રાજકોટની વિરાણી સાયન્સ કોલેજમાં અભ્યાસ કરતી વાંકાનેરની વિદ્યાર્થિની કુ. નિર્જરા જતીનભાઈ રાવલે સર્વોચ્ચ સફળતા મેળવેલ છે. તબક્કાવાર યોજાયેલ આ સ્પર્ધામાં નિર્જરાએ તા. ૧૮-૯-૨૦૨૪ ના રોજ જિલ્લાકક્ષાએ તથા તા. ૨૪-૧૧-૨૦૨૪ ના રોજ ૧૪ જિલ્લાની પ્રાંતકક્ષાએ પ્રથમ સ્થાન મેળવ્યા બાદ, તા. ૭-૧૨-૨૦૨૪ ના રોજ યોજાયેલ રાજ્યકક્ષાની સ્પર્ધામાં 'આજે જગતને યુદ્ધની જરૂર છે કે બુદ્ધની?' એ વિષય પર પોતાના ધારદાર વિચારો રજુ કરીને, ગૌરવપૂર્ણ પ્રથમ સ્થાન મેળવીને માતાપિતા અને કોલેજનું નામ રોશન કરેલ છે. ચિ. નિર્જરા હવે રાષ્ટ્રીય કક્ષાએ ગુજરાતનું પ્રતિનિધિત્વ કરશે. તેમ યાદીમાં જણાવાયું છે.
.jpg)
