ટેન્કર પાછળ ટ્રક અથડાયા બાદ ડિવાઈડર સાથે અથડાયોવાંકાનેર : વાંકાનેર - ચોટીલા હાઇવે ઉપર પુરપાટ ઝડપે ટ્રક ચલાવી ટેન્કર સાથે અકસ્માત સર્જ્યા બાદ ટ્રક ચાલકે કાબુ ગુમાવતા ટ્રક ડિવાઈડર સાથે અથડાયો હતો.આ અકસ્માતમાં બિહારના વતની ટ્રક ચાલકનું મૃત્યુ નીપજ્યું હતું.બનાવ અંગે જાણવા મળતી વિગતો મુજબ વાંકાનેર - ચોટીલા હાઇવે ઉપર એનએલ - 01 - એડી - 1849 નંબરના ટ્રક ચાલક રાજીવકુમાર ગીરીશકુમાર યાદવે પોતાનો ટ્રક પુરપાટ ઝડપે હંકારી આગળ જતાં જીજે - 39 - ટી - 4815 નંબરના ટેન્કર પાછળ અથડાવી અકસ્માત સર્જ્યો હતો. બાદમાં ટ્રક ચાલકે કાબુ ગુમાવતા ટ્રક ડિવાઈડર સાથે અથડાતા ટ્રક ચાલક રાજીવકુમારનું ઇજાઓ પહોંચતા મૃત્યુ નીપજ્યું હતું. અકસ્માતની આ ઘટના અંગે ટેન્કર ચાલક અર્જુનકુમાર રાધેશ્યામ પટેલ રહે.ઉત્તરપ્રદેશ વાળાની ફરિયાદને આધારે વાંકાનેર પોલીસે ટ્રક ચાલક વિરુદ્ધ ગુન્હો રજીસ્ટર કર્યો હતો.
.jpg)
