રત્ન કલા હીરાના કારખાના સામે ગટરમાં કચરો અને પથ્થરો જામી ગયા હોવાની ફરિયાદમોરબી અપડેટ: મોરબી શહેરમાં તંત્ર દ્વારા કરવામાં આવેલી પ્રી-મોન્સૂન કામગીરીના દાવાઓ પોકળ હોવાની રાવ સાથે મોરબીના ઉમિયા સર્કલથી લઈને સમયના ગેટ સુધીના વિસ્તારમાં ગટર લાઈન સંપૂર્ણપણે ચોકઅપ થઈ ગઈ હોવાની સ્થાનિકોએ ફરિયાદ ઉઠાવી છે. જેના કારણે સ્થાનિક લોકો અને વાહનચાલકોને ભારે હાલાકીનો સામનો કરવો પડી રહ્યો છે.સ્થાનિકોના જણાવ્યા અનુસાર ઉમિયા સર્કલથી સમયના ગેટ સુધીમાં રત્ન કલા હીરાના કારખાનાની સામે આવેલી ગટર કચરા અને મોટા પથ્થરોથી જામ થઈ ગઈ છે. આ પરિસ્થિતિ સ્પષ્ટ કરે છે કે જવાબદાર તંત્ર દ્વારા ચોમાસા પૂર્વે જે પ્રી-મોન્સૂન સફાઈ કામગીરી કરવાની હોય છે, તે આ વિસ્તારમાં બિલકુલ કરવામાં આવી નથી. ગટર જામ હોવાને કારણે ગંદુ પાણી રસ્તા પર ફરી વળવાની અને ભયંકર ગંદકી ફેલાવાની પૂરી શક્યતા છે.આસપાસના લોકો દ્વારા આક્રોશ વ્યક્ત કરવામાં આવી રહ્યો છે કે જો તંત્ર દ્વારા તાત્કાલિક ધોરણે આ ગટરની યોગ્ય સફાઈ કરવામાં નહીં આવે, તો આવનારા દિવસોમાં લોકોને ખૂબ જ ખરાબ હાલતમાંથી પસાર થવું પડશે. ગંદકીના કારણે રોગચાળો ફેલાવાની ભીતિ પણ સેવાઈ રહી છે, ત્યારે તંત્ર વહેલી તકે નિંદ્રામાંથી જાગે અને સફાઈ કામગીરી હાથ ધરે તેવી પ્રબળ લોકમાંગ ઉઠી છે.#Morbi #MorbiUpdate #MorbiNews #PreMonsoonWork #GutterProblem #MorbiIssues #PublicIssue #GujaratNews
.jpg)
