મોરબી અપડેટ : મોરબીમાં શાસ્ત્રીય નૃત્ય અને કલાને પ્રોત્સાહન આપવાના હેતુથી કલાઆંગન - ઇન્સ્ટિટ્યૂટ ઓફ ડાન્સ દ્વારા તાજેતરમાં વાર્ષિક મહોત્સવ 'નૃત્યમ'નું ભવ્ય આયોજન કરવામાં આવ્યું હતું. આ કાર્યક્રમમાં ભારતીય શાસ્ત્રીય નૃત્ય કથકની અદભુત પ્રસ્તુતિઓ રજૂ કરવામાં આવી હતી, જેના થકી ઉપસ્થિત કલાપ્રેમીઓને મંત્રમુગ્ધ કરી દેવામાં આવ્યા હતા.ગત તારીખ 13 સપ્ટેમ્બરના રોજ સાંજે 5 થી 7 વાગ્યા સુધી મોરબીમાં GIDC નજીક આવેલા સંસ્કાર હોલ ખાતે આ નૃત્ય મહોત્સવ યોજાયો હતો. આ સમગ્ર કાર્યક્રમનું સુંદર માર્ગદર્શન અને નૃત્યનિર્દેશન (કોરિયોગ્રાફી) ગુરુ નિધિ વાગડિયા દ્વારા કરવામાં આવ્યું હતું. તેમના સચોટ માર્ગદર્શન હેઠળ કલાકારોએ કથકના વિભિન્ન પાસાઓ રજૂ કર્યા હતા.ભારતીય શાસ્ત્રીય નૃત્ય કથક, આપણી ગૌરવવંતી સંસ્કૃતિ અને પરંપરાને ઉજાગર કરતો આ 'નૃત્યમ' કાર્યક્રમ શહેરના નૃત્યપ્રેમીઓ તેમજ કલા રસિકો માટે વિશેષ આકર્ષણનું કેન્દ્ર બન્યો હતો અને સૌ કોઈએ કલાકારોની પ્રસ્તુતિને તાળીઓના ગડગડાટથી વધાવી લીધી હતી.#Morbi #KalaaanganInstitute #KathakDance #Nrutyam2026 #ClassicalDance #IndianCulture #MorbiUpdates #MorbiNews
.jpg)
