વાંકાનેર : બોર્ડની પરીક્ષાઓનો પ્રારંભ થયો છે, ત્યારે પ્રથમ વખત ધોરણ 10ની બોર્ડની પરીક્ષા આપવા જઈ રહેલા વિદ્યાર્થીઓનો ઉત્સાહ વધારવા અને તેમનો તણાવ દૂર કરવા માટે વાંકાનેરના માનવસેવા મહિલા પરિવાર દ્વારા એક સરાહનીય પહેલ કરવામાં આવી છે. સંસ્થા દ્વારા વાંકાનેરના વિવિધ પરીક્ષા કેન્દ્રો પર જઈને કુલ 1328 વિદ્યાર્થીઓને ફાઈવસ્ટાર ચોકલેટ અને પેન આપીને પરીક્ષા માટે શુભકામનાઓ પાઠવવામાં આવી હતી.માનવસેવા મહિલા પરિવાર વાંકાનેર હંમેશા સેવાકીય કાર્યોમાં અગ્રેસર રહે છે. આ સંસ્થા દ્વારા હોસ્પિટલમાં દર્દીઓને સુખડી અને ફ્રુટ વિતરણ, તેમજ સેવા વસ્તીમાં મીઠાઈ, નાસ્તા અને છાશ વિતરણ જેવી અનેક પ્રવૃત્તિઓ નિયમિતપણે કરવામાં આવે છે. આ સેવાકીય યાત્રાને આગળ વધારતા, દર વર્ષની જેમ આ વર્ષે પણ સંસ્થાએ બોર્ડની પરીક્ષા આપતા વિદ્યાર્થીઓને પ્રોત્સાહિત કર્યા હતા.સંસ્થા દ્વારા વાંકાનેરના અલગ-અલગ પરીક્ષા કેન્દ્રો પર જઈને વિદ્યાર્થીઓને મીઠું મોઢું કરાવીને પેન અર્પણ કરવામાં આવી હતી. પ્રાપ્ત વિગતો અનુસાર નીચે મુજબના કેન્દ્રો પર વિતરણ કરવામાં આવ્યું હતું.એલ. કે. સંઘવી કન્યા વિદ્યાલય: 155 વિદ્યાર્થીઓકે. કે. શાહ માધ્યમિક વિદ્યાલય: 300 વિદ્યાર્થીઓમો. હે. જે. ગર્લ્સ હાઇસ્કુલ: 360 વિદ્યાર્થીઓઅમરસિંહજી હાઇસ્કુલ: 333 વિદ્યાર્થીઓનિર્મલા કોન્વેન્ટ સ્કૂલ: 180 વિદ્યાર્થીઓઆમ, વાંકાનેર કેન્દ્ર પર પ્રથમ દિવસે પરીક્ષા આપનાર કુલ 1328 પરીક્ષાર્થીઓને ફાઈવસ્ટાર ચોકલેટ અને પેન આપીને વિશેષ શુભેચ્છાઓ પાઠવવામાં આવી હતી. માનવસેવા મહિલા પરિવારના આ પ્રેરણાદાયક અને હૂંફાળા કાર્ય બદલ તમામ પરીક્ષા કેન્દ્રોના સંચાલકોએ તેમનો હૃદયપૂર્વક આભાર વ્યક્ત કર્યો હતો. પરીક્ષાના ડર વચ્ચે બાળકોને આવો આવકાર મળતા વિદ્યાર્થીઓના વાલીઓ દ્વારા પણ હર્ષની લાગણી વ્યક્ત કરવામાં આવી હતી.#Wankaner #WankanerNews #BoardExam #ManavsevaMahilaParivar #GujaratBoardExams #SocialService #MorbiUpdate
.jpg)
