પર્યાવરણ પ્રેમી ભક્તજનોએ પર્યાવરણના જતનનો સંદેશ આપી ગુરુ પૂનમના પવિત્ર દિવસને સાર્થક કર્યોટંકારા (મોરબી અપડેટ) : ગુરુ પૂર્ણિમાના પવિત્ર પર્વ નિમિત્તે રાજકોટ-મોરબી રોડ પર ટંકારાના ભાગોળે આવેલ પ્રખ્યાત રામાપીરની જગ્યામાં એક અનોખી ઉજવણી કરવામાં આવી હતી. શહેરના પર્યાવરણ પ્રેમી ભક્તજનો દ્વારા મંદિરના પટાંગણમાં વૃક્ષારોપણનો કાર્યક્રમ યોજીને પ્રકૃતિના જતનનો ઉત્તમ સંદેશ આપવામાં આવ્યો હતો.સામાન્ય રીતે ગુરુ પૂર્ણિમાના દિવસે લોકો પોતાના ગુરુના આશીર્વાદ પ્રાપ્ત કરતા હોય છે, ત્યારે ટંકારાના પર્યાવરણ પ્રેમીઓએ પ્રકૃતિને જ ગુરુ માની તેના જતનને પ્રાધાન્ય આપ્યું હતું. રામાપીરની જગ્યાના વિશાળ પટાંગણમાં વિવિધ પ્રકારના વૃક્ષોના રોપા વાવીને તેને ઉછેરવાનો સંકલ્પ લેવામાં આવ્યો હતો.ભક્તજનો દ્વારા કરવામાં આવેલ આ ભગીરથ કાર્યથી સમાજમાં પર્યાવરણ બચાવવા માટેની જાગૃતિ લાવવાનો પ્રયાસ કરવામાં આવ્યો છે. આ અનોખી ઉજવણીમાં શહેરના પર્યાવરણ પ્રેમીઓ અને ભાવિક ભક્તોએ ભારે ઉત્સાહભેર ભાગ લીધો હતો અને પ્રકૃતિના જતન થકી અનોખી ગુરુ વંદના કરી હતી.#MorbiUpdate #Tankara #GuruPurnima #TreePlantation #SaveEnvironment #TankaraNews #MorbiNews #RamapirTemple #GujaratNews
.jpg)
