નવદુર્ગા એજ્યુકેશન એન્ડ ચેરિટેબલ ટ્રસ્ટ - રાજકોટ દ્વારા આયોજિત સ્પર્ધામાં પ્રથમ અને દ્વિતીય ક્રમ મેળવ્યો મોરબી અપડેટ: નવદુર્ગા એજ્યુકેશન એન્ડ ચેરિટેબલ ટ્રસ્ટ - રાજકોટ દ્વારા તાજેતરમાં દેશભક્તિ ગીત સ્પર્ધાનું આયોજન કરવામાં આવ્યું હતું. આ સ્પર્ધામાં રાધે ક્રિષ્ના વિદ્યાલયની વિદ્યાર્થીનીઓએ પોતાની કલાના કામણ પાથરીને ઉત્કૃષ્ટ પ્રદર્શન કર્યું છે અને શાળા તેમજ પરિવારનું નામ રોશન કર્યું છે.ગીત સ્પર્ધામાં કુલ 46 સ્પર્ધકોએ ભાગ લીધો હતો. આ તમામ સ્પર્ધકો વચ્ચે આકરી ટક્કર જોવા મળી હતી, જેમાં રાધે ક્રિષ્ના વિદ્યાલયમાં ધોરણ 7 માં અભ્યાસ કરતી વિદ્યાર્થીની બોપલીયા શ્રુતિ સુરેશભાઈએ પોતાના સુરીલા અવાજથી નિર્ણાયકોના દિલ જીતી લીધા હતા અને પ્રથમ ક્રમાંક પ્રાપ્ત કર્યો હતો. આ ઉપરાંત આ જ શાળાની અન્ય એક તેજસ્વી વિદ્યાર્થીની કરોરીયા ક્રિશા મુકેશભાઈએ પણ શાનદાર પ્રદર્શન કરતા દ્વિતીય ક્રમાંક હાંસલ કર્યો છે.બંને વિદ્યાર્થીનીઓએ પોતાની આ જ્વલંત સફળતાથી માતા-પિતા તેમજ રાધે ક્રિષ્ના વિદ્યાલયનું ગૌરવ વધાર્યું છે. આ અદભુત સિદ્ધિ બદલ શાળાના સંચાલક, આચાર્ય તેમજ સમગ્ર સ્ટાફ તરફથી બંને વિદ્યાર્થીનીઓને ખૂબ ખૂબ અભિનંદન પાઠવવામાં આવ્યા છે અને ભવિષ્યમાં પણ આવી જ પ્રગતિ કરતા રહે તેવી શુભેચ્છાઓ આપવામાં આવી છે.#RadheKrishnaVidyalaya #PatrioticSongCompetition #MorbiUpdate #MorbiNews #EducationNews #StudentSuccess #Rajkot #Morbi
.jpg)
