મોરબી : મોરબીની અણીયારી પ્રાથમિક શાળા ખાતે એક અનોખો 'સ્ટ્રીટ ફૂડ કાર્નિવલ' યોજાયો હતો. આ કાર્નિવલમાં આચાર્ય રમેશભાઈ લોરીયા, શિક્ષક ટીમ તેમજ કમલેશભાઈ, બિમલભાઈ, વીણાબેન, અરુણાબેન, માધવીબેન અને આ શાળામાં ભણી ગયેલી ગામની દીકરીઓના સહયોગથી બાળકોએ અને ગ્રામજનોએ માત્ર રૂ. 10માં ચટપટી વાનગીઓનો આનંદ માણ્યો હતો. આ સ્ટ્રીટ ફૂડ કાર્નિવલનો હેતુ બાળકોમાં સમૂહભાવના વધે, નાણાકીય વ્યવહારની સમજ વધે, આપણી સંસ્કૃતિના સ્વાદનો પરિચય થાય તે હતો. ભુંગળા બટેટાથી લઈને પાણીપુરી સુધીની દરેક વાનગીમાં પ્રેમ અને કાઠિયાવાડી સ્વાદ હતો.
.jpg)
