મોરબી : મોરબી તાલુકાના નવી પીપળી ગામે આવેલ રોકડીયા હનુમાનજી મંદિર ખાતે આગામી સમયમાં વાર્ષિક પાટોત્સવની ઉજવણી કરવામાં આવનાર છે. આ ધાર્મિક પ્રસંગને યાદગાર બનાવવા માટે મંદિર સમિતિ દ્વારા ભવ્ય સંતવાણીના કાર્યક્રમનું સુંદર આયોજન કરવામાં આવ્યું છે.રાત્રે 9-00 કલાકે સંતવાણી યોજાશે નવી પીપળી ખાતે ધર્મગંગા સોસાયટીમાં આવેલ જય રોકડીયા હનુમાનજી મહારાજના વાર્ષિક પાટોત્સવ નિમિત્તે તારીખ 09-04-2026, ગુરુવારના રોજ રાત્રે 9-00 કલાકે ભવ્ય સંતવાણી યોજાશે. આ કાર્યક્રમમાં ખ્યાતનામ કલાકારો પોતાની પ્રસ્તુતિ આપશે.જાણીતા કલાકારો પધારશે આ સંતવાણીના કાર્યક્રમમાં સાહિત્ય કલાકાર રાજભા ગઢવી પોતાની આગવી શૈલીમાં સાહિત્યની છોળો ઉડાડશે. તેમની સાથે ભજનીક ગુરૂવીર પ્રજાપતિ, ઋષિબેન પ્રજાપતિ અને અશ્વિન પટેલ ભજનની રમઝટ બોલાવશે. આ સમગ્ર કાર્યક્રમનું યુટ્યુબ પર '@GURUKRUPA_STUDIO_028' ચેનલ પર લાઈવ પ્રસારણ પણ કરવામાં આવશે.આયોજક અને નિમંત્રકઆ ધાર્મિક ઉત્સવનું આયોજન ધર્મગંગા સોસાયટી, શાંતિનગર અને સિલ્વર સોસાયટીના રહીશો દ્વારા કરવામાં આવ્યું છે. રોકડીયા હનુમાનજી મંદિર દ્વારા તમામ ધર્મપ્રેમી જનતાને આ ભવ્ય સંતવાણીનો લાભ લેવા ભાવભર્યું નિમંત્રણ પાઠવવામાં આવ્યું છે. આ કાર્યક્રમ પાટીદાર સાઉન્ડના સહકારે યોજાશે.#Morbi #NaviPipli #RokadiyaHanumanji #Santvani #LokDayro #RajbhaGadhvi #ReligiousNews #MorbiUpdate #GujaratEvents
.jpg)
