કવિતા સબમિટ કરવાની છેલ્લી તારીખ 21 ઓગસ્ટ: પ્રથમ 3 વિજેતાઓને મંચ પર કાવ્યપઠનની તક સાથે કરાશે સન્માનિતમોરબી અપડેટ : સાહિત્ય અને કળાના વારસાને વધુ સમૃદ્ધ બનાવવા તેમજ સ્થાનિક સર્જનાત્મક પ્રતિભાઓને યોગ્ય મંચ પૂરું પાડવાના ઉમદા હેતુ સાથે, નિર્શિવ ફાઉન્ડેશન અને ગુજરાત સાહિત્ય અકાદમી - ગાંધીનગરના સંયુક્ત ઉપક્રમે આગામી તારીખ 22/08/2026, શનિવારના રોજ મોરબી ખાતે એક ભવ્ય 'કવિ સંમેલન' નું આયોજન કરવામાં આવ્યું છે.આ સાહિત્યિક મહોત્સવના ભાગરૂપે મોરબીવાસીઓમાં છુપાયેલી કાવ્ય પ્રતિભાને બહાર લાવવા માટે એક વિશેષ 'કાવ્યલેખન સ્પર્ધા' નું પણ આયોજન હાથ ધરાયું છે. જેમાં મોરબીના તમામ સાહિત્યપ્રેમી નાગરિકો ભાગ લઈ શકશે. સ્પર્ધાના નિયમ મુજબ સ્પર્ધકે માત્ર પોતાની સ્વરચિત અને મૌલિક (કોપી કર્યા વગરની) કવિતા જ મોકલવાની રહેશે. કવિતા મોકલવા માટે સ્પર્ધકોએ જાહેર કરવામાં આવેલ QR કોડ / ગૂગલ ફોર્મ (Google Form) લિંક મારફતે ઓનલાઈન સબમિશન કરવાનું રહેશે. કવિતા સબમિટ કરવાની છેલ્લી તારીખ 21/08/2026 રાખવામાં આવી છે.નિર્ણાયકો દ્વારા તમામ કૃતિઓનું તટસ્થ મૂલ્યાંકન કરીને શ્રેષ્ઠ રચના આપનાર પ્રથમ 3 વિજેતાઓની પસંદગી કરવામાં આવશે. આ વિજેતાઓને 22 ઓગસ્ટે યોજાનાર મુખ્ય કવિ સંમેલનના કાર્યક્રમમાં સ્ટેજ પર સન્માનિત કરવામાં આવશે તેમજ તેઓને મંચ પરથી પોતાની કૃતિનું પઠન કરવાની વિશેષ તક પણ મળશે.મોરબીના તમામ સાહિત્યરસિકો, નાગરિકો અને ઉગતા કવિઓને આ કાવ્યલેખન સ્પર્ધામાં ઉત્સાહભેર ભાગ લેવા અને કવિ સંમેલનમાં ઉપસ્થિત રહેવા નિર્શિવ ફાઉન્ડેશન અને ગુજરાત સાહિત્ય અકાદમી દ્વારા ભાવભર્યું આમંત્રણ પાઠવવામાં આવ્યું છે.#Morbi #MorbiUpdate #KaviSammelan #PoetryCompetition #NirshivFoundation #GujaratSahityaAkademi #LiteratureEvent #MorbiEvents #MorbiNews #GujaratNews
.jpg)
