વાવડી રોડ ઉપર છેલ્લા 2 મહિનાથી સર્જાયેલી પાણીની સમસ્યાથી ત્રસ્ત લોકોએ કર્યો હતો ચક્કાજામમોરબી : મોરબી શહેરમાં વાવડી રોડ પર આવેલી વિવિધ સોસાયટીઓમાં છેલ્લા 2 મહિનાથી પીવાના પાણીની ગંભીર સમસ્યાને પગલે આજે રોષે ભરાયેલા સ્થાનિકોએ પંચાસર ચોકડી પર ચક્કાજામ કર્યો હતો. જેના કારણે હાઈવે પર વાહનોની લાંબી કતારો લાગી ગઈ હતી. જોકે, અંદાજે 1 કલાક સુધી ચાલેલા આ ઉગ્ર વિરોધ પ્રદર્શન બાદ તંત્ર દોડતું થયું હતું અને મામલો થાળે પડ્યો છે.આ ચક્કાજામ અને ટ્રાફિક જામની જાણ થતાં જ મહાનગરપાલિકાના અધિકારીઓ તાત્કાલિક ઘટનાસ્થળે દોડી ગયા હતા. રસ્તા પર ઉતરેલી ગૃહિણીઓ અને સ્થાનિક નાગરિકો સાથે અધિકારીઓ દ્વારા સીધી વાતચીત કરવામાં આવી હતી. અધિકારીઓએ સ્થાનિકોની પીવાના પાણીની સમસ્યા સાંભળીને વહેલામાં વહેલી તકે પાણીનો પુરવઠો નિયમિત કરવાની અને તેમની માંગણીઓ પૂરી કરવાની સ્પષ્ટ ખાતરી આપી હતી. મહાનગરપાલિકાના જવાબદાર અધિકારીઓની આ હૈયાધારણ અને ખાતરી બાદ સ્થાનિક લોકોએ શાંતિ જાળવીને પોતાનો વિરોધ પાછો ખેંચ્યો હતો. લોકોએ રસ્તો ખુલ્લો કરતા અંદાજે 1 કલાક બાદ પંચાસર ચોકડી પરનો ચક્કાજામ દૂર થયો હતો અને હાઈવે પરનો વાહનવ્યવહાર ફરીથી પૂર્વવત થતા વાહનચાલકોએ પણ રાહતનો શ્વાસ લીધો હતો.#Morbi #MorbiUpdate #WaterCrisis #ProtestResolved #PanchasarChokdi #VavdiRoad #MorbiNews #TrafficCleared #GujaratNews
.jpg)
