હજારો અરજીઓ વચ્ચે પસંદ થયેલા માત્ર 30 વિદ્યાર્થીઓમાં મોરબીના 2 તેજસ્વી વિદ્યાર્થીઓએ મેળવ્યું સ્થાન: 13 વર્ષીય અચ્યુતે 96 અને 14 વર્ષીય અંશે 93 ગુણ સાથે હાંસલ કરી ઐતિહાસિક સિદ્ધિમોરબી અપડેટ : ઉદ્યોગ અને વેપાર ક્ષેત્રે દેશ-વિદેશમાં આગવી ઓળખ ધરાવતું મોરબી હવે આધુનિક શિક્ષણ અને ટેક્નોલોજી ક્ષેત્રે પણ વિશ્વફલક પર ચમકી રહ્યું છે. મોરબીની New Era Global Schoolના બે પ્રતિભાશાળી વિદ્યાર્થીઓ અચ્યુત પાડલિયા અને અંશ કોરવાડિયાએ યુકેની વિશ્વવિખ્યાત ઓક્સફર્ડ યુનિવર્સિટી ખાતે યોજાયેલા પ્રતિષ્ઠિત “Exploring AI” પ્રોગ્રામમાં ઉત્કૃષ્ટ પરિણામ સાથે A+ ગ્રેડ મેળવી મોરબીનું નામ આંતરરાષ્ટ્રીય સ્તરે રોશન કર્યું છે.વિશ્વભરમાંથી માત્ર 30 વિદ્યાર્થીઓની પસંદગીમાં મોરબીના 2 તેજસ્વી તારલાઓક્સફર્ડ યુનિવર્સિટીના આ ખાસ પ્રોગ્રામ માટે વિશ્વભરમાંથી 13 થી 15 વર્ષના વયજૂથના વિદ્યાર્થીઓની હજારો અરજીઓ આવી હતી. અત્યંત કડક સ્ક્રીનિંગ અને પસંદગી પ્રક્રિયા બાદ માત્ર 30 વિદ્યાર્થીઓની આ પ્રોગ્રામ માટે પસંદગી કરવામાં આવી હતી. આ સ્પર્ધાત્મક વાતાવરણ વચ્ચે New Era Global Schoolના અચ્યુત પાડલિયા અને અંશ કોરવાડિયા બંનેએ એકસાથે સ્થાન મેળવ્યું છે. સમગ્ર મોરબીમાંથી પ્રથમ વખત વિદ્યાર્થીઓ આ પ્રતિષ્ઠિત પ્રોગ્રામ માટે પસંદગી પામ્યા છે.નાની ઉંમરે AI જેવા જટિલ વિષયમાં મેળવ્યા શ્રેષ્ઠ ગુણઆ આંતરરાષ્ટ્રીય શૈક્ષણિક સફરમાં બંને વિદ્યાર્થીઓએ ઉત્કૃષ્ટ પ્રદર્શન દાખવ્યું છે: • અચ્યુત પાડલિયા (ઉંમર 13 વર્ષ): 100 માંથી 96 ગુણ સાથે A+ ગ્રેડ • અંશ કોરવાડિયા (ઉંમર 14 વર્ષ): 100 માંથી 93 ગુણ સાથે A+ ગ્રેડજે ઉંમરે સામાન્ય રીતે વિદ્યાર્થીઓ કમ્પ્યુટર અને ટેક્નોલોજીની પ્રાથમિક બાબતો સમજતા હોય છે, તે ઉંમરે આ બંને વિદ્યાર્થીઓએ આર્ટિફિશિયલ ઇન્ટેલિજન્સ (AI) જેવા ભવિષ્ય નિર્ધારિત કરતા વિષયમાં ઓક્સફર્ડ યુનિવર્સિટીના મંચ પર પોતાની પ્રતિભાની આગવી છાપ છોડી છે.મોરબીની નવી પેઢી માટે પ્રેરણારૂપ સિદ્ધિદિશા સાચી અને મહેનત અડગ હોય તો વૈશ્વિક સ્તરનું કોઈ પણ મંચ અશક્ય નથી તે આ બંને વિદ્યાર્થીઓએ સાબિત કરી બતાવ્યું છે. મોરબીથી ઓક્સફર્ડ સુધી પહોંચીને ઉત્કૃષ્ટ પરિણામ મેળવનાર અચ્યુત પાડલિયા અને અંશ કોરવાડિયાની આ સિદ્ધિ બદલ શાળા સંચાલકો, શિક્ષકો, વાલીઓ તેમજ સમગ્ર મોરબીવાસીઓ દ્વારા બંને વિદ્યાર્થીઓ પર અભિનંદનની વર્ષા કરવામાં આવી રહી છે.#Morbi #MorbiNews #MorbiUpdate #NewEraGlobalSchool #OxfordUniversity #ArtificialIntelligence #AI #MorbiStudents #EducationUpdate #GujaratNews
.jpg)
