મોરબી : મોરબીવાસીઓ માટે એક સેવાકીય અને પ્રેરણાદાયક સમાચાર છે. નિરામય ચેરિટેબલ ટ્રસ્ટ દ્વારા મોરબી શહેરમાં 'પ્રોજેક્ટ સક્ષમ' અંતર્ગત વિના મૂલ્યે કૃત્રિમ હાથ વિતરણ કેમ્પનું આયોજન કરવામાં આવી રહ્યું છે. આ કેમ્પનો મુખ્ય ઉદ્દેશ્ય હાથ ગુમાવનાર લોકોને સ્વાવલંબન તરફ એક ડગલું આગળ વધારવાનો છે.મળતી માહિતી મુજબ, આ કેમ્પમાં કોણી કે કાંડાથી નીચેનો હાથ ગુમાવનાર કોઈપણ ઉંમરના લોકોને સંપૂર્ણપણે મફત કૃત્રિમ હાથ આપવામાં આવશે. આ કૃત્રિમ હાથ અત્યાધુનિક 3-ડી પ્રિન્ટેડ ટેકનોલોજીથી બનેલા હશે, જે વજનમાં હળવા અને વધુ ટકાઉ હોય છે. વિશેષતા એ છે કે દરેક લાભાર્થીને તેમના વ્યક્તિગત માપ મુજબ કસ્ટમ-ફિટ ડિઝાઇન તૈયાર કરીને હાથ બેસાડવામાં આવશે.આ સંપૂર્ણ નિ:શુલ્ક સેવા છે અને તમામ ઉંમરના લાભાર્થીઓ માટે ખુલ્લી છે. મોરબીમાં આ કેમ્પનું આયોજન વહેલી તકે કરવામાં આવનાર છે, તેથી જે લોકો આ સેવાનો લાભ લેવા માંગતા હોય તેમણે સત્વરે પોતાનું નામ નોંધાવવાનું રહેશે.નામ નોંધાવવા માટે અથવા વધુ માહિતી મેળવવા માટે મોબાઈલ નંબર 9106070589 પર આજે જ સંપર્ક કરવા ટ્રસ્ટ દ્વારા અપીલ કરવામાં આવી છે.#Morbi #MorbiUpdate #NiramayCharitableTrust #FreeCamp #ArtificialHand #ProjectSaksham #SocialWork #GujaratNews
.jpg)
