પકડાયેલા મુખ્ય આરોપી સુરત અને અમદાવાદના દારૂના ગુનામાં બે વર્ષથી હતો વોન્ટેડમોરબી : મોરબીમાં બેટરીના પાણીના બોક્સની આડમાં વિદેશી દારૂનો જથ્થો મંગાવનાર મુખ્ય આરોપીને ઝડપી લેવામાં આવ્યો છે. આ શખ્સ માત્ર મોરબી જ નહીં પરંતુ સુરત ગ્રામ્ય અને અમદાવાદ ગ્રામ્યના પ્રોહિબિશનના ગુનાઓમાં પણ છેલ્લા બે વર્ષથી નાસતો ફરતો હોવાનું સામે આવ્યું છે.ગુનાની વિગત અને મોડસ ઓપરેન્ડી:મોરબી સીટી એ ડિવિઝન પોલીસને માહિતી મળી હતી કે આરોપીએ બનાવટી બિલ બનાવી, ખાનગી ટ્રાવેલ્સમાં લગેજ તરીકે બેટરીના પાણીના બોક્સની આડમાં વિદેશી દારૂ મંગાવ્યો છે. પોલીસે કાર્યવાહી કરી કુલ રૂ. ૪,૫૭,૪૦૦/- ની કિંમતનો મુદ્દામાલ (દારૂ તથા બેટરીના પાણીના બોક્સ) જપ્ત કર્યો હતો.ઝડપાયેલ આરોપી:નામ: સાહીલભાઇ ઉર્ફે સાહુ હનીફભાઇ પરમાર (ઉ.વ. ૨૩)રહેવાસી: હાથી ખાના-૧૭, આર્ય સમાજ પાસે, રામનાથ પરા મેઇન રોડ, રાજકોટ.અન્ય જીલ્લાના ગુનાઓના ભેદ ઉકેલાયા:આરોપીની ઉલટતપાસ કરતા જાણવા મળ્યું હતું કે તે ૨૦૨૪ના વર્ષમાં સુરત ગ્રામ્યના કામરેજ પોલીસ સ્ટેશનમાં નોંધાયેલ રૂ. ૧૫,૮૨,૯૧૦/- ના દારૂના ગુનામાં તથા અમદાવાદ ગ્રામ્યના બગોદરા પોલીસ સ્ટેશનમાં નોંધાયેલ રૂ. ૪,૭૨,૦૦૦/- ના દારૂના ગુનામાં વોન્ટેડ હતો. આમ, મોરબી પોલીસે તેને પકડીને અન્ય બે જીલ્લાના ગુનાઓના ભેદ પણ ઉકેલ્યા છે.આરોપીનો ગુનાહિત ઇતિહાસ:આરોપી સાહીલ અગાઉ પણ રાજકોટ શહેરમાં ગુનાહિત પ્રવૃત્તિઓમાં સંડોવાયેલ છે:૧. રાજકોટ બી ડિવિઝન (મારામારી અને ધમકી).૨. રાજકોટ બી ડિવિઝન (પ્રોહિબિશન).૩. રાજકોટ પ્રદ્યુમન નગર (રાયોટિંગ અને જી.પી. એક્ટ).કામગીરી કરનાર પોલીસ ટીમ:આ કામગીરી મોરબી સીટી એ ડિવિઝન પી.આઈ. આર.એસ.પટેલના માર્ગદર્શન હેઠળ પી.એસ.આઈ. જે.સી.ગોહિલ, એ.એસ.આઈ. કિશોરભાઇ મિયાત્રા, સવજીભાઇ દાફડા, વિજયદાન ગઢવી, હેડ કોન્સ્ટેબલ હિતેષભાઇ ચાવડા તથા કોન્સ્ટેબલ પૃથ્વીરાજસિંહ, જયદીપભાઇ, સિધ્ધરાજસિંહ, રવિભાઇ અને અશ્વિનસિંહ દ્વારા કરવામાં આવી હતી.
.jpg)
