મોરબી: ભારતીય હવામાન વિભાગ દ્વારા આગામી 3 દિવસ ભારે વરસાદની આગાહી કરવામાં આવી છે. આ પરિસ્થિતિને ધ્યાનમાં રાખીને મોરબી જિલ્લા પંચાયતની ખેતીવાડી શાખા દ્વારા ખેડૂતો માટે એક મહત્વપૂર્ણ કૃષિ સલાહ (એડવાઈઝરી) જાહેર કરવામાં આવી છે. તમામ ખેડૂતોને પાક અને પશુઓના રક્ષણ માટે જરૂરી તકેદારી રાખવા વિનંતી કરવામાં આવી છે.ખેડૂતોએ રાખવાની જરૂરી તકેદારી:પાકમાં પાણી ભરાઈ ન રહે તે માટે ખેતરમાં નિકાલની યોગ્ય વ્યવસ્થા કરો.ખાતર, બીજ, જંતુનાશક દવાઓ તથા કૃષિ સાધનોને સુરક્ષિત અને સૂકી જગ્યાએ રાખો.ભારે વરસાદ દરમિયાન ખાતર તથા જંતુનાશક દવાનો છંટકાવ કરવાનું ટાળો.પશુઓને સુરક્ષિત સ્થળે રાખો તેમજ તેમના માટે પૂરતા ચારા અને પીવાના પાણીની વ્યવસ્થા રાખો.વીજળીના કડાકા-ભડાકા દરમિયાન ખુલ્લા ખેતરમાં કામ કરવાનું ટાળો.વરસાદ બંધ થયા બાદ પાકની સ્થિતિનું નિરીક્ષણ કરીને જરૂરી કૃષિ સલાહ મુજબ આગળની કામગીરી કરો.ખાસ સૂચના:તંત્ર દ્વારા અપીલ કરવામાં આવી છે કે ભારે વરસાદ દરમિયાન લોકો સુરક્ષિત રહે. માત્ર હવામાન વિભાગની સત્તાવાર આગાહીને જ અનુસરો અને કોઈપણ પ્રકારની અફવાઓ પર વિશ્વાસ ન કરો. દરેક વ્યક્તિએ પોતાની અને પોતાના પરિવારની સુરક્ષાને પ્રથમ પ્રાથમિકતા આપવી. 'ખેડૂત સમૃદ્ધ તો દેશ સમૃદ્ધ' ના સૂત્ર સાથે ખેતીવાડી શાખાએ આ માર્ગદર્શિકા જારી કરી છે.#Morbi #MorbiUpdate #HeavyRain #WeatherForecast #Agriculture #FarmersAdvisory #GujaratRain #DistrictPanchayatMorbi #Monsoon2026
.jpg)
