ગ્લોબલ વોર્મિંગથી બચવા અને પક્ષીઓના જતન માટે વૃક્ષારોપણ કરવા મયુર નેચર ક્લબના જીતેન્દ્ર ઠકકરનો અનુરોધમોરબી : પર્યાવરણ પ્રત્યે જાગૃતિ કેળવવાનો અને આવનારી પેઢીને ગ્લોબલ વોર્મિંગ તથા વધતા તાપમાનની આડઅસરોથી બચાવવાનો સાચો સમય આવી ગયો છે. આ દિશામાં લોકોમાં જાગૃતિ તો આવી છે, પરંતુ તે હજુ પૂરતી નથી. ત્યારે મોરબીના મયુર નેચર ક્લબના સભ્ય અને પર્યાવરણ પ્રેમી જીતેન્દ્ર ઠક્કર દ્વારા તમામ નાગરિકોને મોટા પાયે વૃક્ષારોપણ કરવા માટે ખાસ અપીલ કરવામાં આવી છે.સરકારી સહાયનો લાભ લઈ સહભાગી બનીએહાલ સરકારી નર્સરી અને પર્યાવરણ જતન કરતી સંસ્થાઓ આમ જનતાના સહયોગથી રોપાઓનું વિતરણ, વાવેતર અને ઉછેર કરવા કટિબદ્ધ છે. દર વર્ષે ચોમાસાના પ્રારંભે વન વિભાગ દ્વારા સરકારી સ્કૂલો અને સામાજિક સંસ્થાઓને નિઃશુલ્ક તેમજ આમ નાગરિકોને ટોકન દરે રોપાઓ આપવામાં આવે છે. લોકોએ વૃક્ષારોપણ અને પર્યાવરણ સુધારણાને માત્ર સરકારની જવાબદારી ન સમજતા, સરકાર તરફથી મળતી સહાયનો લાભ લઈ રાષ્ટ્ર પ્રત્યેની ફરજ સમજીને આ કાર્યમાં જોડાવું જોઈએ અને 'સાથી હાથ બઢાના' સૂત્રને સાર્થક કરવું જોઈએ.ક્યા વૃક્ષોનું વાવેતર કરી શકાય?જીતેન્દ્ર ઠક્કરે માર્ગદર્શન આપતા જણાવ્યું છે કે જગ્યાની અનુકૂળતા મુજબ નીચે મુજબના વૃક્ષો વાવી શકાય છે:દેશી જાતના વૃક્ષો: ખાખરો, ખીજડો, બાવળ, આવળ, જાંબુ, ગુંદો, બોરસલી, ટીમરું અને લીમડો.ક્ષીર વર્ગ (ડાળી પરથી ઉગતા વૃક્ષો): વડ, પીપળ, અંજીર, શેતૂર, ગળો, સરગવો, અરડૂસી અને નગોડ.સુગંધી ફૂલોના છોડ: કાસીદ, બોરસલી, એક્ઝોરા, કાંચનાર, બુચ, ચંપો, મોગરો, જૂઈ, ચમેલી, પારિજાત અને મધુકામિની.પક્ષીઓનું જતન અને તાપમાનમાં ઘટાડોવૃક્ષોના વાવેતરથી માત્ર વાતાવરણના તાપમાનમાં જ સુધારો નથી થતો, પરંતુ પક્ષીઓને રહેઠાણ અને ખોરાક પણ મળે છે. આનાથી લુપ્ત થઈ રહેલા અને જમીન સુધારક ગણાતા પક્ષીઓની સંખ્યામાં પણ નોંધપાત્ર વધારો થાય છે, જે એક પર્યાવરણ પ્રેમી તરીકે આપણા સૌ માટે ગૌરવની બાબત છે.અંતમાં તેઓએ આ ચોમાસાના પ્રારંભે જ નાગરિકોને કમસે કમ 'એક વ્યક્તિ એક વૃક્ષ' નો સંકલ્પ લેવા અને પર્યાવરણના જતન માટે યોગદાન આપવા જણાવ્યું છે. આ વિશે વધુ માહિતી કે માર્ગદર્શન માટે જીતેન્દ્ર ઠક્કરનો તેમના મોબાઈલ નંબર 92285 83743 પર સંપર્ક કરી શકાશે.#Morbi #MorbiUpdate #TreePlantation #Environment #GlobalWarming #Monsoon #SaveEnvironment #GreenMorbi #MayurNatureClub #PlantTrees
.jpg)
