ટંકારા : ટંકારા તાલુકાના મિતાણા - પડધરી રોડ ઉપર દહીંસરડા રોડ ઉપર અજાણ્યા વાહન ચાલકે વહેલી સવારે બાઈક લઈને જઈ રહેલા યુવાનને હડફેટે લઈ ગંભીર ઇજાઓ પહોંચાડતા મૃત્યુ નીપજ્યું હતું.બનાવ અંગે જાણવા મળતી વિગતો મુજબ ગત તા.14ના રોજ ટંકારા તાલુકાના મિતાણા - પડધરી રોડ ઉપર દહીંસરડા રોડ ઉપર બાઈક લઈને જઈ રહેલા માધવભાઈ ગોકળભાઇ છીપરિયા નામના યુવાનને વહેલી સવારે અજાણ્યા વાહન ચાલકે હડફેટે લઈ ગંભીર ઇજાઓ પહોંચાડી અકસ્માત સ્થળેથી વાહન લઈને નાસી જતા ટંકારા પોલીસે મૃતક યુવાનના પિતા ગોકળભાઇ સવસીભાઈ છીપરિયા રહે.દહીંસરડા તા.પડધરી, જી.રાજકોટ વાળાની ફરિયાદને આધારે અકસ્માત સર્જી નાસી ગયેલા અજાણ્યા વાહન ચાલક વિરુદ્ધ ગુન્હો નોંધી તપાસ શરૂ કરી છે.
.jpg)
